粵語正字 - 零二中文教學筆記

＊本表僅列出較常用之粵文用字，若想查詢更多粵語文字請前往《粵文建議用字表（Suggested Cantonese Useful Characters）》。

常用字（本字）. 拼音. Skiptocontent OpenMenu Search Searchfor: Close 　　隨住大眾對粵語拼音嘅認知越趨普及，爲滿足粵語用戶嘅需求，市面上有越來越多輸入法不但支援粵語聽寫功能，仲更進一步支援粵語拼音鍵盤。

爲方便大家喺打字嘅時候查閱，〇二整理咗一啲粵文經常會用到嘅字並列出本《粵文常用字與輸入法字碼對照表》。

如何正確輸入粵語？除咗喺公共場合使用尷尬左右嘅語音輸入法，我哋仲可以下載粵語輸入法輸入中文，詳情請睇： ＊安裝Gboard並添加語言「中文」›「粵語」›「拼音」，以使用粵語鍵盤； ＊安裝搜狗輸入法並添加粵語鍵盤； 終於可以正常打字喇！😺 注意： ＊喺用拼音打字過程中，無需輸入聲調； ＊為方便查閱，本表按各字拼音順序排列； ＊本表僅列出較常用之粵文用字，若想查詢更多粵語文字請前往《粵文建議用字表（SuggestedCantoneseUsefulCharacters）》。

常用字（本字） 拼音 五筆 倉頡 意思 粵文例句（拼音） 嗌 aai3 kuwl rtct 叫喊 大嗌（daai6aai3） 呃 aak1 kdbn rmsu 欺騙 呃神騙鬼（aak1 san4 pin3 gwai2） 拗 aau2 rxet qvis 折彎 拗斷條樹枝（aau2dyun3 tiu4 syu6zi1） 詏 aau3 rxln yrvis 矛盾 詏交（aau3gaau1） 畀 bei2 lgjj wml 給予 畀我啦（bei2 ngo5 laa1） 抦 bing2 rgmw qmob 毆打 我哋去抦嗰條友（ngo5dei6 heoi3 bing2 go2 tiu4jau5） 噃 bo3 ktol rhdw 語氣助詞，帶有提醒或勸告嘅意味 記住陣間準時到噃（gei3zyu6 zan6gaan1 zeon2si4 dou3 bo3） 𨳍（杘） cat6 uav anp 粗口，男性外生殖器 唓 ce1 klh rjwj 語氣助詞，表示鄙夷 唓！（ce1!） 嘈 cou4 kgmj rtwa 嘈吵 嘈乜嘢（cou4 mat1 je5） 啖 daam6 kooy rff 口（量詞） 咬啖（ngaau5 daam6） 哋 dei6 kfbn rgpd 複數人稱後綴 我哋（ngo5dei6） 掟 deng3 rpgh qjmo 擲 掟出去（deng3 ceot1heoi3） 埞 deng6 fpgh gjmo 地方 有冇埞去？（jau5mou5deng6heoi3?） 啲 di1 krqy rhai 少許 畀啲錢佢（bei2 di1 cin2 keoi5） 點 dim2 lfok wfyr 如何 點樣？（dim2joeng2?） 掂 dim6 ryhk qiyr 完結或狀态佳之意 搞掂（gaau2dim6） 𨳒（屌） diu2 nkmh srlb 粗口，性交動作 番 faan1 tolf hdw 外國 番茄（faan1ke2） 翻 faan1 toln hwsmm 重新 翻兜（faan1dau1） 返 faan1 rcpi yhe 返回 返屋企（faan1uk1kei2） 瞓 fan3 hykh buyrl 睡眠 瞓覺（fan3gaau3） 㗎 gaa3 klks rkrd 語氣助詞 唔係噉㗎（m4hai6 gam2 gaa3） 曱甴 gaat6 zaat2 mfkmhfd wmlllwlm 蟑螂 有隻曱甴（jau5 zek3 gaak6zaat2） 噉 gam2 kafg rmjk 如此 噉啊？（gam2 aa1?） 咁 gam3 kafg rtm 如此（程度） 咁犀利嘅？（gam3 sai1lei6 ge3?） 撳 gam6 rqqw qcno 按壓 撳電掣（gam6din6zai3） 緊 gan2 ahni sevif 正在 睇緊電視（tai2gan2din6si6） 梗 gang2 sgjq dmlk 當然 梗係（gang2hai6） 𥄫 gap6 heyy bunhe 保持注視 𥄫實佢哋（gap6sat6keoi5dei6） 𨳊（㞗） gau1 nfiy sije 粗口，男性外生殖器 嚿 gau6 kawv rtox 量詞 一嚿石（jat1gau6sek6） 嘅 ge3 kvcq raiu 從屬關係 你嘅諗法呢？（nei5 ge3 nam2faat3 ne1?） 嗰 go2 kwld rowr 彼 嗰啲（go2di1） 閪（屄） hai1 usd anmcw 粗口，女性外生殖器 喺 hai2 kwti rohf 位於 喺邊度呢？（hai2 bin1dou6 ne1?） 繫 hai6 lbmi jevif 連接 聯繫、維繫（lyun4hai6,wai4hai6） 係 hai6 wtxi ohvf 表肯定、答應及事物關係 係乜嘢嚟㗎？（hai6 mat1je5 lai4gaa3?） 系 hai6 txiu hvif 聯屬關係；學科單位 系統、化學系（hai6tung2,faa3hok6hai6） 冚 ham6 pmj bu 全部 冚𠾴唥（ham6 baang6 laang6） 廿 jaa6 aghg t 二十 廿幾歲（jaa6gei2seoi3） 嘢 je5 kjfb rwgn 事物 有嘢睇（jau5 je5 tai2） 咦 ji2 kgxw rkn 語氣助詞（表奇怪） 咦？噉樣嘅？（ji2?Gam2joeng2 ge2?） 𢫏 kam2 pmj qbu 覆蓋 𢫏住（kam2 zyu6） 企 kei5 whf oylm 立 企喺度（kei5hai2dou6） 佢 keoi5 wan oss 第三人稱單數 佢係邊個？（keoi5 hai6 bin1go3?） 嘞 laak3 kafl rtjs 語氣助詞，表示確定完成 做晒啲功課嘞（zou6 saai3 di1 gung1fo3 laak3） 嚟（來） lai4 ktqi rhhe 來 入嚟（jap6lai4） 冧 lam1 pssu bdd 陶醉於 佢冧我（keoi5 lam1 ngo5） 𨶙（𡳞） lan2 ucex anibp 粗口，男性外生殖器 哩 lei5 kjfg rwg 英美製長度單位 一哩等於5280英尺，合1609米（jat1lei5dang2jyu1ng5cin1ji6baak3baat3sap6jing1cek3,hap6jat1cin1luk6baak3ling4gau2mai5） 叻 lek1 kln rks 聰明 佢讀書好叻㗎（keoi5 duk6syu1 hou2 lek1 gaa3） 靚 leng3 gemq qbbuu 美麗 靚仔（leng3zai2） 拎 ling1 rwyc qoii/qoni 提（取）起 拎走（ling1 zau2） 撩 liu4 rdui qkcf 挑弄 撩是鬥非（liu4si6dau3fei1） 囉 lo1 klqy rwlg 語氣助詞，表示應當得此結果 咪就係噉囉（mai1 zau6 hai6 gam2 lo1） 攞 lo2 rlxy qwlg 拿取 攞嘢（lo2 je5） 咯 lo3 rher lo 語氣助詞表示特定條件下理應如此 噉就真係該煨咯（gam2 zau6 zan1hai6 goi1wui1 lo3） 咯 lok3 rher lo 語氣助詞表示反詰、申辯 佢夠係咯！（keoi5 gau3hai6 lok3!） 唔 m4 kgkg rmmr 否定 唔係（m4hai6） 咪 mai5 koy rfd 勿 咪走（mai5 zau2） 乜 mat1 nnv pn/ps 何 你有乜？（nei5 jau5 mat1?） 咩 me1 kudh rtq 語氣助詞，表疑問 佢瞓咗喇咩？（keoi5 fan3 zo2 laa3 me1?） 冇（無） mou5 dmb kb 無 有冇錢？（jau5 mou5 cin2?） 乸 naa2 bxgu pdwyi 雌性 雞乸（gai1naa2） 諗 nam2 ywyn yroip 思考 我諗噉做唔係咁好啩？（ngo5 nam2 gam2 zou6 m4hai6 gam3 hou2 gwaa3?） 嬲 nau1 llvl wsvws 嬲怒 咪激嬲佢啦（mai1 gik1 nau1 keoi5 laa1） 啱 ngaam1 kmdg rumr 合适、恰巧 啱心水（ngaam1 sam1seoi2） 噏 ngap1 kwgn rory 唸唸有詞噉講 噏三噏四（ngap1saam1ngap1sei3） 悒 ngap1 nkcn prau 內心憂鬱 心悒（sam1ngap1） 呢 ni1 knx rsp 此 呢啲事（ni1di1 si6） 屙 o1 nbsk snlr 排泄 屙尿（o1niu6） 撇 pit3 iumt qfbk 迅速離開 快啲撇啦（faai3 di1 pit3 laa1） 仆街 puk1 gaai1 whytffs oyhoggn 不雅用語，表示不妙或咒罵 今次仆街嘞！（gam1ci3puk1gaai1laak3） 卅 saa1 gkk tj 三十 卅而立（saa1ji4laap6） 嘥 saai1 kthh rhoo 浪費 嘥晒喇（saai1 saai3 laa3） 晒 saai3 jsg amcw 語氣助詞，表全部 嘥晒喇（saai1 saai3 laa3） 曬 saai3 jgmx ammp 炫耀、展示 曬到黑晒（saai3 dou3 haak1 saai3） 閂 saan1 ugd anm 關閉 閂咗道門（saan1zo2dou6mun4） 卌 se36 glk tt 四十 卌幾個人（se3gei2go3jan4） 睇 tai2 huxt bucnh 觀看、閱讀 睇電視（tai2 din6si6） 𧨾 tam3 ypws yrbcd 討好 𧨾你開心（tam3 nei5 hoi1sam1） 揾 wan2 rjlg qwot 尋找 揾食（wan2sik6） 喎 wo3 kkmw rbbr 語氣助詞 唔係噉喎（m4hai6 gam2 wo3） 揸 zaa1 rsjg qdbm 手持 揸住個門柄（zaa1zyu6go3mun4beng3） 咋 zaa3 kthf ros 語氣助詞，表示有限 係得咁多咋（hai6dak1gam3do1zaa3） 嗻 ze1 kyao ritf 語氣助詞，表示不至於 我先至廿三嗻（ngo5 sin1zi3 jaa6saam1 ze1） 樽 zeon1 susf dtwi 液體容器 玻璃樽（bo1lei1zeon1） 即 zik1 vcbh aisl 就係、當刻 即係要佢即刻出發（zik1hai6jiu3keoi5zik1haak1ceot1faat3） 咗 zo2 kdag rkm 動作完成結束 食咗飯未？（sik6 zo2 faan6 mei6?） 仲 zung6 tgjf hjwg 尚、仍然 仲未搞掂（zung6mei6gaau2dim6） 啜 zyut3 kccc reee 吻、吸 用飲管吸（jung6jam2gun2kap1） 注意： ＊喺用拼音打字過程中，無需輸入聲調； ＊為方便查閱，本表按各字拼音順序排列； ＊本表僅列出較常用之粵文用字，若想查詢更多粵語文字請前往《粵文建議用字表（SuggestedCantoneseUsefulCharacters）》。

　　鑑於目前網上有不少諸如《教你如何打粤语字》《粤语字怎么写怎么打》《粤语口语常用字拼音》《如何打粤语字》《粵語字怎麼打》等海量資料，對初學者而言難以分辨優劣。

例如呢啲： ▲圖片來源穎詩老師（Wings공주）喺豆瓣嘅分享 請問篇嘢嘅作者係咪想玩嘢？😓 好彩嘅係，呢啲劣質內容逃不過穎詩老師嘅法眼。

同佢一一打上大紅交叉！😹 有見及此，〇二蒐集咗大量粵文會用到嘅字並整理成本《粵語字大全》，以便大家可以順利噉以正確嘅拼音打字。

留意埋： ＊用拼音打字，無需輸入聲調； ＊為方便查閱，本字表按各字拼音聲母順序分類排列； ＊若在查看過程中遇到問題，請閱讀本文後面嘅說明。

鼻韻———————————————————————————————————————— 漢字　拼音　　簡略解釋與例子 唔（m4）＝不：～好、～得、唔緊要（不要紧）（「唔好」一詞讀作m4 hou2，喺語速較快下容易導致誤寫作合音「冇」（mou5），但事實上仍應寫作「唔好」。

） 呣（m2/m4/m6）＝【m2】疑問聲：～，有乜事？【m4】歎詞：～，原來係噉【m6】應答聲：～！好啊 嗯（ng2/ng6）＝【ng2】疑問聲：～，有乜事？【ng6】應答聲：～！好啊 零聲母———————————————————————————————————————— 漢字　拼音　　簡略解釋與例子 揞（am2）＝捂：～實個傷口（捂住伤口） 奀（an1）＝瘦弱、瘦小：～瘦、～挑鬼命（瘦小得可怜） 䟴（an3）＝搖、振：～～腳（悠閒狀） 哽（ang2/ngang2）＝觸着硬的不平的東西，或被硬物頂着：石仔～腳、有嘢～住我背脊 㳌（ap1）＝表示地方淺窄、簡陋，與「㴙」連用：～㴙（ap1 zap1）；陰暗潮濕不通風：～味、～臭、件衫有～味 㳌/罨（ap1）＝陰暗潮濕不通風：～味、～臭、件衫有～味 罨/罯（ap1）＝覆盖；掩盖：～住、～生草藥、～住件衫、件衫濕咗，～住晒 噏（ap1）＝說，隨意地說，通常帶貶義：亂～（胡说）、～三～四（説三道四） 悒（ap1）＝內心憂鬱，不舒暢：心～ 扤（at1）＝壓、塞：～實個樽蓋（塞紧瓶盖）、將棉胎～實啲（把棉被压紧点） 悈（at6/et6/ngat6）＝本字讀「at6」「et6」或「ngat6」時解作「衰老」：老～～（讀作「gaai3」及「hak1」時，另有解釋 漚（au3）＝【1】將某物放置一段時間，使其發酵或變質：～爛【2】憋：～氣（憋气） 吖（aa1）＝句末語氣助詞，可表示輕微的讓步，或與「嘛」連用：係～，你講得冇錯；唔係～（aa1）嘛！？（不是这样的吧？） 阿/亞（aa3）＝中國語文系統中，用於人名或稱呼的前綴：～生、～小姐、～哥、～妹、～明 啊（aa1/aa3/aa4）＝【aa1】大叫的語氣詞：～！；【aa3】表應諾、醒悟、讚歎、提點等的語氣詞：唔好噉做～；【aa4】靈機一觸、頓時醒悟：～哈！ 嗌（aai3）＝【1】大聲叫：～佢過嚟、～救命【2】吵架：～交、相～唔好口 呃（aak1）＝騙：佢成日～我、～飲～食（骗喝骗吃的） 鈪（aak3）＝鐲子：金～、手～ 晏（aan3）＝【1】遲：咁～先起身。

【2】中午或下午：食～（吃午饭）、～晝（下午） 罌（aang1/ngaang1）＝小口的瓦器：錢～、砂煲～罉 餲（aat3）＝臭（通常指帶有尿味）：個廁所好～。

𢯎（aau1）＝用指甲刮皮膚去達到止痕嘅效果：～痕、～背脊 拗（aau2）＝折彎，折斷：～斷條樹枝、～柴（脚扭伤或断了） 詏（aau3）＝爭執、爭辯：～撬、～頸（耍脾气坚持自己的意见） 屙（o1）＝排便：～屎（拉大便）、～肚（拉肚子） 愛（oi3）＝要：你重～唔～？（你还要不要？）你～邊種？（你要哪种？） 壅（ung1）＝（以土或土狀物）埋、堆：～多啲泥（多培些泥）、啲沙～住我隻腳 擁（ung2）＝推：推～、佢～咗部電話落地 蕹（ung3）＝～菜（通心菜，粵語又叫「通菜」） B聲母———————————————————————————————————————— 漢字　拼音　　簡略解釋與例子 弊（bai6）＝糟糕：～！、～傢伙 鏰（bang1）＝硬幣：搵個～刮痧都冇 凭（bang6）＝倚、靠：挨挨～～（两人挨挨靠靠的） 𢳂/𢴩（bat1）＝用勺子將東西從一個地方裝到另一個地方：～飯（裝飯） 湴（baan6）＝爛泥：泥～ 𠾴（baang6）＝冚～唥（全部） 睥（be1）＝用眼睛長時間盯着：眼～～（眼瞪瞪钉着）、～乜～！（看什么看！） 髀（bei2）＝通「肶」，即大腿：鷄～ 畀（bei2）＝給：～錢、～我 俾（bei2）＝【1】被：～人鬧（被人骂）【2】讓：唔～入（不让进去） 潷（bei3）＝格、過濾：～咗啲菜汁 B（bi1）＝英文「baby」譯音簡稱。

對嬰兒稱呼：BB（bi4 bi1）、B仔（bi1 zai2）、阿B（aa3 bi1）；對嬰兒謔稱：傻B（so4 bi1）、蠢B（ceon2 bi1）；指罵他人智商如兒童般：低B（dai1 bi1） 邊（bin1）＝詢問位置：～度、～處（syu3） 甂（bin1）＝闊口食盤，煮食器皿：打～爐（吃火锅） 抦（bing2）＝毆打：～到七彩、五行欠～ 咇（bit1）＝液體從小孔噴出：水管壞咗，～水出嚟（水管坏了，喷水出来）；象聲詞，機器發出的：～～聲 飆/飇（biu1）＝形容快速，像風一樣：佢～得好快（他跑得很快） 滮（biu1）＝液體或半固體噴出來：啲水～晒出嚟 波（bo1）＝球狀物體：打～（打籃球）、踢～（踢足球）、厾～（打桌球） 啵（bo1）＝象聲詞：boh 噃（bo3）＝語氣詞，帶有提醒或勸告嘅意味：記住陣間準時到～。

㩧（bok1）＝用棍或棍狀物打：～穿個頭（打穿頭）；發生性行爲：～嘢 壆（bok3）＝壠：石～ 餺（bok3）＝一種用糯米製成嘅薄捲餅，咸、甜皆宜：～餦 煲（bou1）＝【1】名词，壁較陡直的鍋：飯～、藥～【2】動詞，煮：～湯 菢（bou6）＝【1】孵：～鷄仔（孵小鷄）【2】使暖和：～暖個被竇（将被窝弄暖） 伏（buk6）＝趴，俯伏：～低（趴下）、～伊人、～匿匿（捉迷藏） 埲（bung6）＝（量詞）一面牆：一～牆 𩗴（bung6）＝量詞「陣」、「股」：一～臭味（一股臭味） 𠼭（but1）＝汽車的喇叭聲：～～車、～～聲 哱（but6）＝吹氣聲的擬聲詞：～一聲屁響 撥（but6）＝把水撥走的工具：水～［區分「水刮（seoi2 gwaat3）」與「水撥（seoi2 but6）」］ C聲母———————————————————————————————————————— 漢字　拼音　　簡略解釋與例子 摻（cam1）＝使進入、參加：～埋我玩啦（让我参加一块儿玩吧）、～啲水入去（加点水进去） 譖（cam3）＝長氣、囉嗦：你好～呀！（你真啰嗦！） 尋（cam4）＝昨日：～日、～晚 親（can1）＝助詞，用於動詞後面：嚇～、撞～（相當於「一…就…」句式的用法：逢～禮拜佢都休息） 襯（can3）＝裝點：陪～、配～、～衫、～托；光顧：幫～ 杘/𨳍（cat6）＝粗口：做乜～？；男性生殖器 搊（cau1）＝【1】有挽手的袋子：手～【2】量詞「串」：一～鎖匙、一搊二掕（jat1cau1ji6lang3） 湊（cau3）＝照顧：湊仔、湊細路、湊細佬 叉（caa1）＝英文「charge」的音譯，即充電：～電、～電器 䟕（caa1）＝踏：～錯腳 搽（caa4）＝塗：～葯（敷藥）、～脂蕩粉（涂脂抹粉） 扠（caa5）＝擦掉：～咗佢、～甩；破壞：～𢰸件事 篸（caam2）＝簸箕：垃圾～ 巉（caam4）＝嶙峋突兀：岩～（表面突兀不平，指难看） 劖（caam4）＝日光盛得如刀般割眼：～眼、光～～ 㔆（caam5）＝刺：隻手～到刺（被刺刺到手了 劖（caam5）＝1)唱歌時被擾亂、2)說話被打斷：～亂歌柄 罉（caang1）＝平底鍋：砂煲甖～（瓦鍋瓶罐） 掁（caang4）＝光盛而射眼：～眼、光～～ 觘（caau2）＝兩者碰撞導致一方或雙方被撞飛：俾隻牛～起；兩者碰撞：～車 耖（caau3）＝翻箱倒櫃或費很大勁地找：從工具箱～粒螺絲出嚟、～勻全世界都要～到佢 巢（caau4）＝有皺紋的：～皮、～皮mi1mang3） 唓（ce1）＝句頭語氣詞，表示不屑：～，你估我唔知咩？！（有什么了不起，你以为我不知道？） 除（ceoi4）＝去除、脫下：～衫、～褲 𡃴（ceoi4）＝聞起來的味道：一𠹻～ 膥（ceon1）＝【1】卵：鷄～【2】睾丸：～袋 嗤（ci1）＝噴氣：打乞～（打喷嚏） 黐（ci1）＝粘：黐線/黐孖筋（神经病）（不要寫為「癡綫」） 摵（cik1）＝提起：～起、～眉～眼 敕（cik1）＝皇帝詔書的一種，引伸出「得敕」，恃「寵」生驕：得～、得得～～（現時亦有人寫作「得戚」） 撍（cim4）＝抽：～烏龜（一种扑克游戏） 掅（cing3）＝提：～起個袋（把袋子提起来）、抽～（挑剔） 埕（cing4）＝一種缸狀容器，通常用於盛酒：酒～ 眧（ciu1）＝用目光挑逗人：眼～～ 啋（coi1）＝語氣詞，在某人說了不吉利東西後用該字，以表示不吉利的東西不會靈驗：～！咪講唔吉利嘅嘢（呸，别说些不吉利的话） 剒（cok3）＝晃動：～下～下、一～一～、～住；不順：～住道氣、～住條氣；耍帥：～樣 焯（coek3）＝把食物放在滾水裏略微一煮就拿出來：～生菜 噱（coek3）＝～頭（吸引人的东西、新意思） 斨（coeng3）＝找續零錢：～散紙（把大张的钱找开） 嘈（cou4）＝吵：～吵、～住晒、咪～！；吵吵鬧鬧的：～喧巴閉 𢵄（cou5）＝儲存：～錢、～積分 串（cyun3）＝告發、打小報告：報～（報告串通） 竄（cyun3）＝態度囂張：好～、～仔、～女、～嘴 𠾼（cyut2）＝象聲詞，形容快：佢～一聲走咗 D聲母———————————————————————————————————————— 漢字　拼音　　簡略解釋與例子 抵（dai2）＝【1】值得：件衫好～買（这衣服很实惠）【2】該，活該（由【1】的意義引申而得）：～死（該死）、你咁醒，～你發達（你这么能干，发财是无可非议的） 揼（dam1）＝拖延：～時間（拖時間） 揼（dam2）＝投擲：～石仔（扔小石子）、～咗佢（扔了它）；消耗：～時間（投放時間） 抌（dam2）＝用拳頭打：～心口（捶胸口）、～你一捶（打你一拳）；蓋章：～印 沊（dam2）＝水聲：～一聲跳落水 髧（dam3）＝垂下：頭髮長到～落膊頭 沊（dam4）＝一片方形或圓形的地方：沊沊kwaak1（dam4dam4kwaak1） 𧿒（dam6）＝跺：～腳、～地 墩（dan1）＝臉蛋：面珠墩（min6zyu1dan1）；指失業或正在等待工作機會的人：踎墩（mau1dan1） 躉（dan2）＝基部、基本支持物：橋～（橋墩）、擁～（支持者）；指監獄中的囚犯：監躉（gaam1dan2） 撴（dan2）＝放下：～低行李（放下行李）、～喺呢度（放在这里） 礅（dan2）＝厚而粗重的整塊石頭：石礅（sek6dan2） 𣎴/墩（dan2）＝名詞，座：蠟燭𣎴（laap6zuk1dan2）、樹𣎴（syu6dan2）；量詞，座：一𣎴樓（jat1dan2lau4*2）；量詞，摞：一𣎴磚（jat1dan2zyun1）；（和合本聖經原用「𣎴」字，但由於部份電腦不能顯示，故部份電子版聖經以「墩」代之。

扽（dan3）＝震動、顛簸：路唔平，開車好～（路不平，开车很颠簸） 戥（dang6）＝替：～你唔抵（替你可惜）、～秤（充秤） 耷（dap1）＝垂下：頭～～（垂头丧气的样子） 𢱕（dap6）＝錘（動詞）：～骨、包剪～；打：～佢；砸：～親隻腳 溚（dap6）＝淋：～雨 𠱂（dat1）＝隨意擺放：～喺度；隨意坐低：～喺度 咄（dat1）＝用一語中的或責罵嘅說話去頂撞：～人、一句～埋嚟 腯（dat1）＝形容肥、矮：肥～～、矮～～ 兜（dau1）＝袋：網～；接住：～住；迎面：～口～面；環繞：～路、～圈、周圍～；招攬業務：～生意 㨮（dau1）＝𢳂起：～起、翻～；招攬業務：～生意 篼（dau1）＝容器：一隻～、飯～；量詞：一～飯；淪落的樣子：～踎 鬥（dau3）＝比試、賭氣、打對台：～快、～氣、～雞眼 剫（dau3）＝做木器：～木 𢭃（dau3/dau6）＝【dau3】接觸：唔好～啲嘢（【dau6】接住；用手托住：～住、𢭃利是（dau6lai6si6） 竇（dau3）＝窩、巢：狗～（狗窝）、雀～（鸟巢） 哣（dau6）＝與「吽」連用：發吽～（發呆） 竇（dau6）＝父親：老～（爸爸） 大（daai6）＝搬出某些優勢使別人處於下風：你唔好～我（你别在我面前搬你的底牌出来） 覘（daam1）＝抬頭：～天望地，～高個頭 啗（daam1）＝叼：～住口煙；麻鷹～雞仔。

啖（daam6）＝量詞「口」：食～飯啦（吃口饭吧），得返一～氣（只剩一口气） 嗒（daap1）＝【daap1/dep1】含着口中慢慢嚐味：慢慢～先好味（慢慢尝才好味）、～糖（咂糖果，引申為對某人產生愛慕） 傝（daap3）＝以事之不振者，指沒有作爲：冇厘傝儑（mou5lei4daap3saap3） 沓（daap6）＝【1】量詞「曡」，通常指比較厚的一「曡」：一大～（一大疊）、～水（有錢）【2】動詞「曡」～正八點（刚好八点） 笪（daat3）＝量詞「片」、「塊」：呢～地方（这片地方）、大～地（地摊市场，通常是露天的） 撻（daat3）＝拿出來，擺出來：～個大名出嚟（把大名说出来）、～個證出嚟，佢即時畀面（把证拿出来，他马上就给面子了） 躂（daat3）＝絆倒，摔倒：～低 嗲（de1）＝出聲；講話：搭～、收～ 嗲（de2）＝撒嬌：～聲～氣、～佢男朋友（向她男朋友撒娇） 嗲（de4）＝像聲詞：水流到～～聲（水流到咚咚聲）、口水～～渧（口水不住地流出来） 地（dei2）＝助詞，表示有一點兒：傻傻～（有点儿傻）、酸酸～（有点儿酸） 哋（dei6）＝指複數，相當於「們」：佢～（他们） 趯（dek3）＝跑：東～西～（東奔西跑）、未放工，啲人就～晒（未下班，人都走光了） 糴（dek6）＝～米（買米） 掟（deng3）＝擲、扔：～石仔（掷小石块） 埞（deng6）＝地方：冇～企（没地方站） 䭔（deoi1）＝一種中國油炸麵食：煎䭔（zin1deoi1）俗寫作「煎堆」 㨃（deoi2）＝捅、伸：～支棍入去（把棍子伸进去）、～冧（殺死） 啲（di1）＝些：有～人（有些人）；樂器，嗩吶：啲咑（di1daa2）、吹啲咑 𠘖（di4）＝寒身動貌：～～震 屌/𨳒（diu2）＝粗口；【1】男性生殖器；托～【2】男子性交動作 扚（dik1）＝提拿：～起佢（用手提起他） 菂（dik1）＝與「薂」連用，蓮子；引申為小巧玲瓏之意：菂薂（dik1sik1） 捵（din2）＝打滾：捵地（din2dei6*2） 點（dim2）＝怎、怎樣、怎麽：～樣、～解（为什么） 掂（dim3）＝接觸、摸：～下都唔得（摸一下都不行） 掂（dim6）＝【1】可以，没问题：搞～（辦妥）、～晒（全部搞好）【2】直：橫～（横直、反正） 椗（ding3）＝節：喉嚨～（喉核） 定（ding6）＝連詞「還是」，一般用於選擇疑問句，與「定係」相同：你想食蛋糕～麵包？；前面轉左～係轉右？ 尐（dit1）＝一點兒，形容數量少或程度小：～咁多（一点点） 多（do1/doe1）＝尐多（dit1doe1）；尐咁多（dit1gam3do1/dit1gam3doe1） 𡇙（doe4）＝圓圓的：圓沊𡇙（jyun4dam4doe4） 𣳼（doe4）＝垂涎欲滴的樣子：口水～～渧；象聲詞：啲水～～聲流落嚟 啄（doeng1）＝啄食、啄咬 度（dou2）＝表概數，意爲「左右」。

度（dou6）＝表示位置：喺～、嗰～、邊～ 道（dou6）＝量詞：一～門 涿（duk1）＝液體或濃漿的量詞：一～口水、一～屎 㞘/䐁（duk1）＝尾：沿住條路行到～。

叾（duk1）＝（專有名詞）地名：西貢叾（sai1gung3duk1） 㧻/厾（duk1）＝刺、捅：～穿個窿（捅個窿）、～背脊（打小报告） 棟（dung6）＝量詞：一～樓 戙（dung6）＝竪：一橫一～（一橫一竪）、～喺度（竪放在那裏；棟篤笑（俗寫）、是但噏（Stand-upcomedy）：～篤笑 嘟（du1/dut1/dyut1）＝【1】形容肥：肥～～（只讀：dut1/dyut1）【2】擬聲詞 F聲母———————————————————————————————————————— 漢字　拼音　　簡略解釋與例子 花（faa1）＝英文「fashion」音譯詞：花臣（faa1san2）；英文「fuckyou」音譯詞：花橋（faa1kiu4） 痱（fai2/fai6）＝汗疹：熱痱（jit6fai2） 䛍（fai3）＝言急；又多言也：大癲大䛍（daai6din1daai6fai3） 𢪎（faak3/faak6）＝用小棍子或鞭子打：～落去；攪拌：～蛋、～蛋器 番（faan1）＝外國的：～鬼佬、～薯、～茄；量詞：一～事業 翻（faan1）＝重新、再：～兜、～做、～版、～新、～身、～生 返（faan1）＝返回、回到：～學、～屋企；把應該做但是未做的事做完：做～啲嘢、攞～部電腦 瞓（fan3）＝睡覺：～覺、～唔着（睡不着） 忿（fan5/fan6）＝心中不服氣：唔忿氣（m4fan6hei3） 揈（fang4）＝衝擊、打：一拳～落去 窟（fat1）＝洞穴：洞～；屁股：屎～；一片範圍：一～～；處身之地：狡兔有三～ 寣（fat1）＝小孩啼哭：喊苦喊寣（haam3fu2haam3fat1） 甶（fat6）＝鬼頭：大頭～；（俗語）搞出個大頭～。

飛（fei1）＝理髮：飛髮（fei1faat3）；負責：孭飛（me1fei1）；票（英文「fare」譯音）：門飛（mun4fei1）、車飛（ce1fei1） 痱（fei1）＝口腔潰瘍：痱疵（fei1zi1） 捹（fing6）＝扔、摔：～衫、～出去、；擺動：吊吊～、～下～下；搖頭丸：～頭丸 弗（fit1）＝花弗（faa1fat1） 𢞵（fit1）＝拿主意：揸～；鞭打：攞藤條～佢 慌（fong1）＝擔心、緊張、諗住：佢唔慌會咁早返屋企（你不用想了，他一定不会这么早回家的） 戽（fu3）＝戽水（往外潑水）、～被（睡觉踢被子）、～棋（下棋时快要输的时候推翻棋盘不认账） 符（fu4）＝辦法：符弗（fu4fit1）、冇晒～；英文「fluke」音譯，靠運氣的：符碌（fu4luk1） 膍（fu4）＝鳥類胃部/肝臟：膍胵（fu4ci3） G聲母———————————————————————————————————————— 漢字　拼音　　簡略解釋與例子 偈（gai2）＝心聲、談話的内容：傾～（聊天），非寫為「傾計」 計（gai2）＝主意、計謀、辦法：諗～仔 gãi（gai2）＝（英文「gear」譯音）；車輛嘅變速箱：gãi油（gai2jau2）；指身體或機械：一副好gãi 髻（gai3）＝盤在頭頂或腦後的發結：丫角～ 噉（gam2）＝【1】代詞「這樣」：苦瓜～面（像苦瓜似的脸）、～都得？（这样也可以？）【2】助詞「地」：好嬲～走咗（生气地走了） 咁（gam3）＝副詞「這麽」：天氣～熱（天气这么热）、～犀利（这么厉害） 黚（gam4）＝形容黃黃的，通常有少少貶義：黃～～ 撳（gam6）＝按：～釘（圖釘）、撳電掣（按电钮） 緊（gan2）＝表示進行中：你做～乜啊？（你正在干什么？）、睇～電視。

（正在看电视） 梗（gang2）＝硬、一定的：～係、～要啦 佮（gap3）＝合：～份（合份）、～埋（合起來） 蛤（gap3）＝青蛙的一種稱呼：蛤乸（青蛙） 𠶲（gap6）＝大口、迅速咬：一啖～落去。

𥄫（gap6）＝盯着：～住晒噉 吉（gat1）＝好運的，幸福的，與「凶」相對：～利；沒有人的，空的：～車、～樓、混～ 㓤（gat1）＝～咗一下（刺了一下） 趷/趌（gat6）＝踮起腳，或一上一下的樣子：～跛跛（單腳跳）、躝屍趷路（滚蛋）、～高（踮高腳） 㞗/𨳊（gau1）＝粗口：關你～事（关你屁事） 夠（gau3）＝表示反詰、申辯，即「不也是」：佢～係咯（lok3）！ 嚿（gau6）＝塊：一～石頭、一～麵包 㗎（gaa2）＝句末語氣詞：你要話我知先得～（你要告诉我才行啊） 㗎（gaa3）＝句末語氣詞，表示陳述：佢好叻～（他很棒的） 㗎（gaa4）＝句末語氣詞，表示疑問：你識得佢～？（你认识他的？） 嘎（gaa4）＝對日本人之戲稱：～仔、～妹 鎅（gaai3）＝鋸、割、切：～玻璃、～紙刀、～親手（割傷手） 𠺝（gaak3）＝「㗎」嘅強化變體，表示十分之肯定、支持或者有信心，並且表達本應如此、理所當然而毋須懷疑嘅涵義；好多時同「梗」、「實」、「一定」連用；（例）：明明唔係噉樣～！ 減（gaam2）＝撥走：～起、～噉啲餸；（部分地區讀作：gam2） 揀（gaan2）＝挑選：～擇、～選 梘（gaan2）＝肥皂：番～ 繭（gaan2）＝昆蟲幼蟲喺成蛹前吐絲所做成嘅殼：蠶～、破～而出、作～自縛 趼（gaan2）＝手掌或腳掌上因摩擦日久而生成的硬皮：起～；（「趼」可讀作：gin2及gaan2） 挭（gaang3）＝攪拌：～下呢鑊粥 浭（gaang3）＝涉水：水唔係好深，可以～過去 曱（gaat6）＝與「甴」連用：～甴（蟑螂） 校（gaau3）＝比較，訂正：～正、～訂、～鬧鐘 鉸（gaau3）＝通常指兩部分的絞合處：～剪（剪刀）、門～（固定門的折疊處）、甩～（兩骨跟之間的軟骨移位了） 嘅（ge3）＝助詞「的」：我～書（我的书） 几（gei1）＝矮小的桌子：茶～、花～ 㚻（gei1）＝雞姦，同性性行為：～片（來源於英文「GayVideo」）、～星（GayPornStar） 基（gei1）＝（男）同性戀：～嘅 幾（gei2）＝詢問數量：～多、～時 旣（gei3）＝既的本字，皂字邊，卽（即）、墍（塈）、曁（暨）等如此類推。

擏（geng6）＝小心：～住～住噉入去（小心翼翼地進去）、～惜下啲嘢啦（愛護一下東西吧） 兼（gim1）＝插：～隊；加上：～夾、～且 景（ging2）＝不可告人之事，與「轟」連用：景轟（ging2gwang2） 篋（gip1）＝裝衣服的箱子，一般指出差旅行用的那種：皮～ 喼（gip1）＝喼汁：調味醬汁；（「喼汁」亦可讀作：kip1zap1；喼汁嘅英文係：Worcestershiresauce） 𠹳（git6）＝黏稠狀：𠹳澾澾（git6taat6taat6） 撟（giu2）＝擦：～眼淚 䯊（go1）＝髌骨：膝頭䯊（sat1tau4go1） 嗰（go2）＝那：～個人、嗰日（那天） 個（go3）＝語氣詞，相當於「嘅」：～喎、～噃；（方言）語氣詞，相當於廣州話「㗎」，可直接作爲句子最後一個字：係噉～、佢好叻～！ 掆（gong1）＝抬、擧：～住隻碗 弶（gong6）＝動物身前的鉗子：蟹～（蟹螯） 𢤹（goe4）＝服氣、呼氣：唔～（不服气） 蠱（gu2）＝【1】動詞，使人迷惑：～惑【2】形容詞，精乖、古靈精怪、鬼鬼祟祟的：呢個人～～惑惑（這人鬼鬼祟祟的）；（由於漫畫、電影《古惑仔》使用了「古」一字，故此，現時與「古惑」連用的詞彙通常指向黑社會事務） 古（gu2）＝故事：～仔；對說書人的稱呼：講～佬 估（gu2）＝猜想：～～下、斷～ 攰（gui6）＝累：返工好～（上班很累） 唂（guk1）＝心中鬱結、不愉快、不爽：～氣、～住一道氣 局（guk6）＝心中鬱結、不愉快、不爽：～氣、～住一道氣 焗（guk6）＝在一個封閉的環境加熱：～飯（焖饭）；催促、逼使：～賭、～住要做呢件事。

焅（guk6）＝天氣悶熱：翳焅（ai3guk6）、焅熱（guk6jit6） 䐥（gung1）＝氣味強烈：䐥鼻（gung1bei6） 𥨐（gung3）＝鑽：四圍𥨐（sei3wai4gung3） 鑽（gyun1）＝鑽入，穿入，進入：～入去（爬进去）、～窿～罅、～褲襠（从胯下爬过） 蜎（gyun1）＝同「鑽」讀「gyun1」之釋義：虫子蠕动；鑽入；爬行：～入去（爬进去）、～窿～罅 GW聲母———————————————————————————————————————— 漢字　拼音　　簡略解釋與例子 簋（gwai2）＝古代盛食物的器具：九大～（形容菜肴非常豐盛），非寫為「九大鬼」 滾（gwan2）＝液體溫度達到沸點而翻騰，溫度高：～水（开水）、水～（水开了）、火～（生气） 𥇣（gwat6）＝瞪着眼睛，盯着看：～住、眼～～ 膼（gwaa1）＝腿、臂的肌肉：腳～、手～ 摑（gwaak3）＝抽打：～幾巴（抽几个耳光） 躀（gwaan3）＝摔、絆：～低（摔倒） 梗（gwaang2）＝植物的枝或莖：菜～ 刮（gwaat3）＝找人：～佢出嚟（找他出来） 𠺌（gwe1）＝膽小，與「蛇」連用：蛇～ 𪚩（gwi1）＝吵鬧的聲音：～～呱呱 H聲母———————————————————————————————————————— 漢字　拼音　　簡略解釋與例子 屄/閪（hai1）＝女性外生殖器；粗口：屌你老母～（肏你妈的屄） 喺（hai2）＝在：～屋企（在家里）、～度（在这里） 系（hai6）＝有聯屬關係的：～統、～列、～數、水～；學科單位：中文～、化學～ 係（hai6）＝是：我～廣東人、～唔～ 繫（hai6）＝連接：聯～、維～ 扻（ham2）＝（一般指頭）撞：～頭埋牆（把头往墙上撞） 冚（ham6）＝全，全部：～家（全家）、～𠾴唥 痕（han4）＝癢：～癢、𢯎～ 恨（han6）＝很想：～咗好耐（想要了很久）、好～食（很想吃）；喜歡、羨慕：間屋好靚，人人見到都～啦 摼（hang1）＝敲擊：咁大力～塊玻璃，因住～爛 拫（hang4）＝盡、極：風車轉到拫（风车转得飞快）、油門踩到～（踩盡油門） 恰（hap1）＝形容詞，適合：～當；動詞，欺負：～細路、～得就～ 瞌（hap1）＝小睡、打瞌睡：～一陣（小睡一会）、～眼瞓 睺（hau1）＝【1】盯、密切監視：睺實佢（盯住他）【2】趁：～佢唔注意（趁他不注意） 喉（hau4）＝咽喉：～嚨；水龍頭：水～、消防～ 蝦（haa1）＝欺負：蝦細路；橫行霸道：蝦蝦霸霸 吓（haa2）＝疑問語氣詞，表示驚訝，或聼不清楚：～？唔係呀？（哎呀！不是吧？）、～？你講乜啊？） 下（haa5）＝結構助詞，表示短暫的動作：嚇～你（嚇一下你）、睇～先（先看一下） 揩（haai1）＝觸碰、沾、染：～油（佔小便宜）、～邊（觸到邊上） 嚡（haai4）＝澀，粗糙：條脷好～（舌头很涩）、塊面好～（面很粗糙） 喊（haam3）＝哭：～得好淒涼 慳（haan1）＝節省：～錢、～電 呷（haap3）＝雙唇合起地嘗、吃：～啖茶（喝口茶）、～醋（吃醋） 姣（haau4）＝風騷、淫蕩：～婆（蕩婦）、發～（發情） 𠺪（he3）＝手忙腳亂的樣子：～晒啲嘢出來、咧～；懶洋洋的樣子：好～、～做 餼（hei3）＝喂：～豬 墟（heoi1）＝市集：趁～（趕集）、一個～咁嘈（像市集那么吵闹） 芡（hin3）＝烹調時用淀粉（豆粉）加水調成的濃汁：打～ 㷫（hing3）＝熱、激動、生氣：啲水好～（水很热）、佢對我爆粗，我而家好～（他刚对我说粗话，我现在很生气）、～熻熻 䁋（hip1）＝閉（眼）：～埋眼 嗬（ho2）＝語氣詞：哦～、嘞～？（相當於「了吧？」） 呵（ho4）＝呼氣：～氣 响（hoeng2）＝意思同「喺」，在：～屋企（在家里）、～度（在这里） 響（hoeng2）＝發出聲音：～亮、～應、不同凡～ 向（hoeng3）＝對着，朝着：方～、偏～；目標：志～；從前：～來 嚮（hoeng3）＝傾向：～往；引導：～導 殼（hok3）＝容器：一隻～；量詞：一～水、一～眼淚 𣚺（hong2）＝細雞乸：雞𣚺（gai1hong2） 䉺/粠（hong2）＝陳米所發出嘅氣味（亦可指一種出現喺儲存倉/長期無人使用嘅空間嘅異味）：䉺味（hong2mei6）、䉺gèpgèp（hong2gep6gep6）；（餸菜）乏味：你係唔係唔記得落油啊，啲菜咁～嘅？；（皮膚）乾燥：而家天時塊面～，要搽啲護膚霜至得；（內容）無趣：呢套電影好～。

炕（hong3）＝烤、烘：炕麵包（烤麵包） 降（hong4）＝（刀）等架在脖子上：個賊用把刀～住我條頸。

J聲母———————————————————————————————————————— 漢字　拼音　　簡略解釋與例子 曳（jai5）＝淘氣：唔好咁～（别淘气） 廿（jaa6）＝二十：今年～嵗、～一世紀 吔（jaa1）＝表示驚異或感嘆：哎～！打得少啊你？ 踹（jaai2）＝踩：～死蟻（踩死螞蟻）、～單車（踩/騎自行車） 飲/飮（jam2）＝將液體倒入口中吞落：～水、～酒（計算機編碼處理缺陷問題，部分使用舊字體的地區用「飮」不用「飲」，但「飮」並非錯字） 喫（jaak3）＝同「吃」：～飯、吃飯 𣚕（jaap3）＝招手：打的要～下手 優（jaau1/jau1）＝善用左手者：左～ 嘢（je5）＝東西：搵～（找东西）、乜～（什么） 膶（jeon2）＝肝臟：鷄～（鷄肝）、豬～（豬肝） 噎（jik1/ik1/jit1）＝打嗝：打～、打思～ 膉（jik1）＝食物（特別是油膩食物）因放置時間長而變質所產生的一種味道：呢啲臘腸好～、一陣油～味（一股变质的油味） 掩（jim2）＝蓋（動詞）：冇～雞籠 厴（jim2）＝肋下兩側：小～；蓋（名詞）：冇～雞籠 广（jin1）＝危險，與「崖」連用：崖～ 躽（jin2）＝挺：～胸凸肚 衒（jin2）＝炫耀自我：～嘢 覮（jing4）＝迷惑；隱隱約約覺得：～住 掖（jip3）＝～高褲腳（把裤腿卷起来） 吆（jiu2）＝笑罵語氣：～，正衰人！、～，咪鬼煩住晒啦！ 鷂（jiu2）＝紙～（風箏） 逳/喐（juk1）＝動：～手（动手）、咪～（不要动）、～身～勢 㤢/喐（juk1）＝心動：心～～ 瘀（jyu2）＝【1】丟臉，沒臉：好～呀！（好丢脸呀！）【2】凝滯：隻手～咗（手青了一块） 眢（jyun1）＝眼枯陷失明；冇眼睇：眼～ 㾓（jyun1）＝酸痛；酸軟：牙～、腳～ 葾（jyun1）＝腐臭味：～臭、～崩爛臭；（俗語）葾豬頭都有㒼鼻菩薩 芛（jyun5）＝初生的草木花：菜～ K聲母———————————————————————————————————————— 漢字　拼音　　簡略解釋與例子 禁（kam1）＝耐：唔～用(不耐用)，～着(耐穿)，～睇(耐看) 襟（kam1）＝對妻子的姊妹之夫的稱呼：老～、～兄 𢫏（kam2）＝覆蓋、蓋：～被（盖被子）；賞巴掌：～佢一巴 妗（kam5）＝舅母：～母 骾（kang2）＝噎住、卡住：食慢啲，咪～親。

（慢点吃，不要噎住）、～親魚骨（卡着鱼骨了） 掯（kang3）＝犀利：佢好～，乜都識做。

；勁；烈：呢種酒好～，飲多咗會醉。

扱（kap1）＝（從上往下）蓋：扱印章（蓋章）、扱電話 𠶲（kap6）＝大口、迅速咬：一啖～落去。

咭（kat1/kaat1）＝英文「card」譯音，卡片：～片、閃～、電話～；（區分讀音：「卡」讀作「kaa1」；「咭」可讀作「kat1」或「kaat1」） 溝（kau1）＝混合：～埋、～亂；加入：～淡、～咗水 溝/媾（kau1）＝結識伴侶：～仔、～女 𡲢（ke1）＝屎（孩語）：屙～；不雅口頭禪：唔～去、唔～要 企/徛（kei5）＝站：～起身（站起来） 佢（keoi5）＝他，她，它，牠，祂：～哋（他们） 㨴（kin2）＝揭開，翻開：～起個蓋（揭開蓋）、～咗幾頁（翻了几页） 傾（king1）＝談話：～談、～偈、～一～ 滰（king4）＝濾乾物品中的水份：～乾水（把水分去掉） 瞏（king4）＝目驚視也；發呆：眼～～ 凝（king4）＝氣體變為液體或液體變為固體；聚集；集中：豬油～咗；（於粵語廣州話中「凝」字可讀作「jing4」及「king4」，於欽州話中可文讀作「ning4」及白讀作「king4」。

棘（kik1）＝卡住，喐唔到；事情遇阻滯；～住、～親 Q（kiu1）＝強度助詞：做乜～嘢呢？ 巧（kiu2）＝巧合：有咁啱得咁～（说多巧有多巧） 竅（kiu2）＝秘訣：～妙；辦法：度～、好～ 繑（kiu5）＝纏繞：啲綫～住咗（线相互缠住了） 𠹭（ko1）＝譯音用字，等於英文「call」：～我（打电话给我） 搉（kok1）＝【1】敲：～頭殼（敲腦袋）【2】象聲詞：～～聲 䐘（koek6）＝大笑：笑到～～聲 蔃（koeng5）＝粗根：有根有～ KW聲母———————————————————————————————————————— 漢字　拼音　　簡略解釋與例子 𡃈（kwaak1/kwaak3）＝【kwaak1】名詞、形容詞；圈、框：𡃈𡃈（kwaak1kwaak1）、四方𡃈（sei3fong1kwaak1）；嶄新的：新𡃈𡃈（san1kwaak1kwaak1）；指種類繁多的：闃礫𡃈嘞（kwik1lik1kwaak1laak1）；【kwaak3】動詞；圍、圈起：用條繩～住；周圍走走：四圍～下 𧥺（kwan1）＝欺騙：～人 緄（kwan2）＝圍繞：手指～晒黑邊（手指甲很脏） 纊（kwang3）＝絆、碰：唔小心～到個花樽 梗（kwaang2）＝植物的枝或莖：菜～ L聲母———————————————————————————————————————— 漢字　拼音　　簡略解釋與例子 捩（lai2）＝轉：～手掟咗佢（转过手就扔掉它） 戾（lai2）＝歪曲、冤枉：～橫折曲（顛倒是非黑白）、冤～（冤枉） 嚟（lai4）＝來：過～、行～行去（走來走去） 矋（lai6）＝怒視：眼～～、～住） 簕（lak6）＝刺：玫瑰花好多～ 冧（lam1）＝【1】英文「number」嘅譯音，数字，讀nam1：～巴（號碼）、靚～（好號碼）【2】甜蜜，讀：lam1：好～、～女（哄女孩子） 冧（lam3）＝【1】倒：撞～（撞倒）、～樓（樓房倒塌）【2】堆起，連續：～起啲積木（堆起積木）、～莊（連莊） 罧（lam6）＝堆積：越～越高 𡳞/𨶙（lan2）＝粗口：乜～啊？；男性生殖器 掕/㨢（lang3）＝量詞「串」：一～提子、一～鎖匙、一搊二掕（jat1cau1ji6lang3）；繫：窗簾上～住條繩、佗手～腳；表示連帶關係：𪐀掕（naa1lang3） 笠（lap1）＝帽子、覆蓋物：～衫（过头穿的衣服）、執～（破產） 甩（lat1）＝脫：～手（脱手）、～褲（裤不小心掉下来）、～底（放鸽子） 摟（lau1）＝聚：啲烏蠅～住啲嘢食 褸（lau1）＝【1】大衣：皮～（皮大衣）【2】披大衣：～返件衫啦（披上大衣吧） 留/溜（lau1）＝一向、從來：不～ 嘍（lau3）＝逗，主動招惹：～佢講嘢、～打 流（lau4）＝指產品質素低：～嘢；虛假的：～料、佢份人好～ 揦（laa2）＝拿起：～起啲嘢；處理事情失當：～西、～手唔成勢 罅（laa3）＝隙：鑽窿鑽～（到處鑽） 孻（laai1）＝最後的一個：～仔（最小的儿子）、～屘（倒數第一） 舐（laai2）＝用舌頭舔；遇到麻煩事：～嘢 落（laai6）＝漏了：～低條鎖匙（漏帶鑰匙） 攋（laai6）＝不能控制地大小便：～尿 𨈇（laam3）＝跨步：一步～過去 躝（laan1）＝爬：啲蟲躝嚟躝去、～出去！（滚出去！） 𢦂（laan2）＝不自量地表現某個行爲/性格：～醒、～叻、～在行、～有型 唥（laang1）＝象聲詞：～～聲、～鐘（鬧鐘） 擸（laap3）＝順手地抓、拿：～～埋埋一大堆（收刮了不少东西）、～住佢隻手（顺手捉住他的手） 䁽（laap3）＝短時間地看一下，驟看上去：～下眼、～到佢喺附近（瞥见他在附近） 邋（laat6）＝邋遢（肮脏） 迾（laat6）＝行：一～樹 捞（laau1）＝（北方語「老兄」的譯音）；對北方人稱呼：～鬆、～頭、～仔、～妹；對北方話的稱呼：～話（在現代粵語中，「捞話」通常直指被稱作「国语」「普通话」或「现代标准汉语」的北方方言。

） 撈（laau1/laau4）＝從水中取出：～起、～魚 呢（le1）＝粵英混合詞：升～（升级的意思） 哩（lei5）＝英美製長度單位，一哩等於5280英尺，合1609米。

篱（lei1）＝容器，疏罅嘅篩：一隻～）＝；量詞：一～菜；英文「lace」音譯詞：篱士（香港有時寫作「喱士」） 嚟（lei4）＝來：過～、行～行去（走来走去） 籬（lei4）＝與「隔」連用，旁邊：隔～、隔～屋好好人；（需要與動詞「隔離」區分） 脷（lei6）＝舌頭：豬脷（豬舌頭） 艃（lei6）＝一種船，帆船；（俗語）：有風駛盡艃（jau5fung1sai2zeon6lei6） 叻（lek1）＝聰明、能幹：你真係～（你真行）、～仔（聪明能干的小伙子） 舐（lem2）＝用舌頭舔：～～脷 笭（leng1）＝古代車輛嘅竹簾；竹籠：入～、氹人入～ 僆/𡃁（leng1）＝小子：～仔（小孩，毛头小子） 靚（leng3）＝美、好：靚女（美女）、靚仔（俊男）、心情好靚（心情很好） 零（leng4）＝表示比指出數量上多出一點點：廿～文、百～二百萬；表示大概：五個～（讀：ng5go3leng4*2） 𨀤/𨂐（leoi1）＝突然跌倒：～低 𡚗（leoi4）＝壯、碩大：大隻𡚗𡚗（daai6zek3leoi4leoi4） 噒（leon1）＝用口吸或啃乾淨骨頭周圍的肉，有時也可用於其它食物：～鷄脚、～骨 搦（lik1）＝拿起：～起、～住 舐（lim2）＝用舌頭舔：～～脷 摙（lin5）＝夾住、整理：一～～起啲嘢；玩弄：～來～去、挪挪～～ 拎（ling1）＝拿、取：～畀我（拿来给我） 炩（ling3）＝色澤光亮：擸擸炩（laap3laap3ling3）、蠟蠟炩（laap6laap6ling3）、閃炩炩（sim2lingling3） 𨋢（lip1）＝英文「lift」嘅譯音，升降機：搭～ 纈（lit3）＝結：打死～（打死結） 撩（liu1）＝用細長的東西挖：～鼻屎（挖鼻屎）、～牙（用牙籤剔除牙垢） 鷯（liu1）＝～哥（八哥鳥） 𠮩（liu1）＝與「𠹌」連用，表示新奇、刁鑽：𠮩𠹌 撩（liu2）＝用細長的東西攪拌：～下杯咖啡（攪拌一下咖啡） 撩（liu4）＝惹、挑弄：～是鬥非（惹是生非）、～佢講也嘢（逗他说话） 嫽（liu4）＝戲弄、挑逗：～女仔 囉（lo1）＝語氣詞，表示粵語獨有的一種陳述或感嘆語氣：做咪做～（做就做呗，有点不情愿）、噉咪係～（那不就是嘛！） 𦣇（lo1）＝屁股；臀部：～噼、～柚 攞（lo2）＝拿：～錢（取钱）、～住（拿着） 𤓓（lo3）＝燒焦橡膠、塑料、頭髮的氣味：～味；尷尬的感覺：～爆；尷尬的回憶：～事 𦧲（loe1）＝吐：～口水、～飯應 𢶤（loe2）＝用行爲索求：～錢、～住；抵賴、發爛渣：～地 㓢（lok1）＝剝：㓢牙（lok1ngaa4） 𠺘（long2）＝漱口：～口、～口盅；涮洗：～乾淨 狼（long4）＝狠、貪婪：佢打交好～（他打架很狠）、食得好～（吃饭狼吞虎咽的贪婪样子） 晾（long6）＝～衫（晾衣服）、～蚊帳（掛蚊帳） 撈（lou1）＝指喺社會上打滾：佢～得好掂㗎；混合、一齊：將啲生果～埋一齊；以不正當之手法獲得：～番一筆；英文「Rolex」嘅譯音，名錶：金～ 佬（lou2）＝對男人的稱呼：肥～（胖子）、差～（警察）、外省～（外省人） 噜（lou3）＝代詞，有「那」的意思：又呢又～（又这又那），現在較為少用 轆（luk1）＝【1】名詞「輪子」：車～【2】動詞「轉輪狀物、滾動」：個波喺度～（球在滚）、部車～過去（车的轮子从上面滚过） 睩（luk1）＝瞪：～大眼（瞪大眼）、眼～～（眼球圆瞪瞪的样子） 碌（luk1）＝量詞，一大根：一～木（一根木头）、一～葛（形容笨） 熝/淥（luk6）＝用熱水或熱的液體燙：～下筷子（燙一下筷子消毒）、～下啲菜（那些菜滚一下）、滾水～腳、俾熱水～親 窿/竉（lung1）＝洞，孔穴：穿～（穿了洞）、鑽[gyun1]～鑽[gyun1]罅（到處去） 攣（lyun1）＝不直、曲：～毛（卷曲頭髮） 聯（lyun4）＝縫：～針、～起身 浖（lyut1）＝潺：滑～～ 捋（lyut3/lyut6）＝手握着東西向一端抹：～高衫袖、～鬍鬚 M聲母———————————————————————————————————————— 漢字　拼音　　簡略解釋與例子 咪（mai1）＝英文詞彙的音譯：～頭、～錶、～高峰；用指甲掐：嚿擦膠硬到～唔入；用功、鑽研：～書、～功課 咪（mai5）＝不要，別：你～理（你别管）、～嘈（别吵） 咪（mai6）＝【1】唔係（m4hai6）嘅合音：～～～（不是不是不是）【2】就：噉～啱囉（这样就对了）、～係囉（就是嘛） 嘜（mak1）＝【1】標記、商標，來源於英文單詞mark：～頭（商標）【2】量詞「杯、小勺」：一～米（一勺杯的米） 癦（mak2/mak6）＝痣：～屎（皮肤下的多颗小痣） 𩜠（mam1）＝餵小孩吃半流質米糊：食～～ 文/緡（man1）＝元：一～（一元錢）【man1gai1】；文雞：零至十元之間可使用「文雞」一詞，表示少量的錢。

伩（man1）＝細、小：細～仔（小朋友） 炆（man1）＝燜：～牛腩 抆（man2）＝把東西抹去，或填平：～屎（大便後清理肛門）、～啲石灰上去（用石灰來填平） 𠍁（man3）＝某事物或有可能是不足夠的：～水、～碼、時間好～ 璺（man6）＝微裂，出現裂紋：打爛砂盆～到㞘（打破砂盆问到底） 鼆（mang1）＝黑：黑～～、黑眯～（hak1mi1mang1） 掹（mang1/mang3）＝拉，扯：～衫尾（扯着衣服下沿） 㒼（mang4）＝思想閉塞：～塞；不通暢：鼻～、耳～、感冒時，把聲好～；（俗語）葾豬頭都有㒼鼻菩薩 乜（mat1/me1）＝什麽：～名（什么名）、～嘢（什么东西） 踎（mau1）＝蹲：～低（蹲下）、～街（不雅地蹲在街上）、～塔（蹲在马桶上） 孖（maa1）＝雙的：～仔（孪生儿子）、打～嚟（两个一起来） 㾺（maa1）＝多個膿頭同時出現：大～瘡 麻（maa4）＝一般：麻麻地；混亂以致未能睇清：麻䵦/麻嗏（maa5caa5）、糊里麻䵦/糊里麻嗏（wu4lei1maa5caa5） 嫲（maa4）＝奶奶：阿～、太～（曾祖母） 埋（maai4）＝【1】助詞，表示連同一齊做某件事：等～我啊！（等等我！）、同～（連同）、做～啲嘢先（先做完這些東西）【2】收起：～單（結賬） 擘（maak3）＝張開、張大：～大口（張開口）、～開手臂（張開手臂） 摱（maan1）＝攀，抓住；扣（扳機）：～住、～車邊 綳（maang1）＝張緊、拉緊：～～緊、～緊條繃帶；張開、拉開：～開、佢用力～開道𨋢門 鯭（maang1）＝一種生長於混濁的水中的魚：泥～ 蜢（maang2）＝蝗虫：草～、瘦到隻～噉 貓（maau1）＝作弊：出～、賴～ 茅（maau4）＝指人或動物情緒過於衝動或驚慌：發～、發晒～ 蟊（maau4）＝出術：～招、～賴、奸～、出～招 孭（me1）＝背：～書包、～仔） 歪（me2/waai1）＝歪（me2）：歪咗、借歪、歪歪斜斜；歪（waai1）：歪理、歪風邪氣 屘（mei1）＝最後，倒數：～二（倒數第二）、孻～（最後） 溦（mei1）＝表示很少量的液體：雨～（很细的雨） 睸（mei1）＝眼睛微閉：～埋眼（合上眼） 瞇（mei1/mi1）＝眼睛半閉：～起隻眼（半合着眼） 𨇻（mi1）＝磨磨蹭蹭：～～摩摩（mi1mi1mo1mo1） 搣（mit1）＝用手指捏：～人～到好痛 藐（miu2）＝噘嘴：～嘴、嘴～～ 摩/嚤（mo1）＝緩慢、拖拉：佢行得好～（他走得很慢）、動作好～（動作拖拉） 剝（mok1）＝搣落、去除：剝牙（mok1ngaa4）、抽絲剝繭（cau1si1mok1gaan2） 殕（mou1）＝東西腐敗生長白膜：發～ mõu/móu（mou2/mou5）＝玩弄：～來～去 舞（mou5）＝揮動：佢攞住把劍～來～去 冇（mou5）＝沒有：～事（没事）、～錢、～得傾（没得商量） 燘（mui2）＝不用牙咬地放在嘴裏吮或咀嚼：～話梅 媒（mui4*2）＝撮合男女婚事的人：～人；使雙方發生關係的人或事物：做～ 脢（mui4）＝里脊肉：背脢 懵（mung2）＝腦筋不清醒：～懂（糊塗）、～盛盛（糊糊塗塗） 矇（mung4）＝不清楚：～查查、～～地；看不見聽不清的：眼～耳聾 N聲母———————————————————————————————————————— 漢字　拼音　　簡略解釋與例子 諗（nam2）＝想：～計（想办法）、～唔明（想不明白） 腍（nam4）＝【1】柔軟：啲牛腩炆得好～（牛腩煮得很软了）、笪地好～（这块地很松软）【2】脾氣很好：～善（脾氣溫和） 淰（nam6）＝濕透：淋到成身濕到～（淋得浑身湿透） 稔（nam6）＝過於熟：熟到～、瞓得好～ 撚/捻（nan2）＝撚手（看家的）、撚手菜（最擅长做的菜） 𣲷（nap6）＝不乾爽：～黐黐、濕～～；慢、不乾脆：～懦 嬲（nau1）＝生气：發～、～爆爆（气呼呼） 膩（nau6）＝【1】膩、滞：食到～（吃腻了）、快手啲【2】動作慢：咪咁～（别磨蹭）；注：亦可用「腬」字 𪐀（naa1）＝跟、與（同「孖」）：佢～你同一個班；表示連帶關係：𪐀掕（naa1lang3）、𪐀耕（naa1gaang1）；表示無緣無故地：無𪐀𪐀（mou4naa1naa1） 𤶸（naa1）＝疤痕：一笪～ 乸（naa2）＝母的、雌性：老虎～、豬～ 嗱（naa4）＝語氣詞，用於強調已出現的情況或語言：～，你講嘅（这是你说的）、～係咪呢！（你看，这就见效了） 揇（naam3）＝長度單位，手掌張開，拇指跟食指盡量遠離，此時拇指尖到食指尖的距離為「揇」：個窗有一～咁長 腩（naam5）＝肚子上的肥肉：肚～、魚～（鱼肚子上白色的肥肉） 赧（naan3）＝紅腫塊，通常會痕癢：蚊～（被蚊虫咬致的红肿块）、生～ 焫（naat3）＝燙：～親、～傷；電烙鐵：～雞 匿（nei1）＝躲、藏：～埋（藏起來）、伏～～（捉迷藏游戏） 呢（ni1）＝代詞「這」：～個、～啲 搦（nik1）＝拿在手中，提：～住个袋（拿着袋）、～住本書 棯（nim1）＝山～乾 捻（nin2）＝用手指鉗緊：～住条頸（卡住咽喉） 嫋（niu1）＝細而長：～高、～瘦 挼（no4）＝揉搓：～乾淨件衫（把衣服搓干净） 燶（nung1）＝焦：燶飯（焦饭） 𪒬（nung1）＝黑色：～口～面 NG聲母———————————————————————————————————————— 漢字　拼音　　簡略解釋與例子 𠼮（ngai1）＝懇切地哀求：～求、～～篩篩、又～又篩；（諺語）人怕～，米怕篩 翳（ngai3）＝【1】憂愁：閉～【2】悶、不舒服：～焗（悶熱）、心口～住～住 揞（ngam2）＝捂：～實個傷口（捂住伤口） 吟（ngam4）＝吟吟沉沉（不停地自言自语） 扲（ngam4）＝掏、摸：～荷包（掏钱包） 韌（ngan6）＝柔軟又結實，受外力作用時，雖然變形而不易折斷，與「脆」相對：～皮（顽皮）、煙～（形容两恋人如漆似胶的甜蜜样子）、牛肉煮老咗好～（牛肉煮过时间会很难咬开） 哽（ngang2/ang2）＝觸着硬的不平的東西，或被硬物頂着：石仔～腳、有嘢～住我背脊 㳌（ap1）＝表示地方淺窄、簡陋，與「𡍲」連用：～𡍲（ap1dap1）；地方窄小、污濁、陰暗，與「㴙」連用：～㴙（ap1zap1）；陰暗潮濕不通風：～味、～臭、件衫有～味 㳌/罨（ap1）＝陰暗潮濕不通風：～味、～臭、件衫有～味 罨/罯（ap1）＝覆盖；掩盖：～住、～生草藥、～住件衫、件衫濕咗，～住晒 悒（ngap1）＝內心憂鬱，不舒暢：心～ 噏（ngap1）＝說，隨意地說，通常帶貶義：亂～(胡说)、～三～四（説三道四） 岌（ngap6）＝搖，一般指上下摇晃：～頭（點頭）、～～貢（搖搖晃晃） 扤（ngat1/ngat6）＝【ngat1】壓、塞：～實個樽蓋（塞紧瓶盖）、將棉胎～實啲（把棉被压紧点）；【ngat6】自下而上晃動：部巴士～下～下，好舒服 漚（ngau3）＝【1】將某物放置一段時間，使其發酵或變質：～爛【2】憋：～氣（憋气） 吽（ngau6）＝與「哣」連用：發～哣（發呆） 崖（ngaa4）＝危險，與「广」連用：～广 掗（ngaa6）＝佔（地方）：～挓（佔地方，引申為霸道）、～住個位（霸着那位置） 嗌（ngaai3）＝【1】大聲叫：～佢過嚟、～救命【2】吵架：嗌交、相～唔好口 呃（ngaak1）＝騙：佢成日～我、～飲～食（骗喝骗吃的） 鈪（ngaak3）＝鐲子：金～、手～ 啱（ngaam1）＝【1】對：～晒（全对）【2】合適：唔～着（不合穿）【3】湊巧：咁～得咁蹺（那么凑巧）、～～（刚刚） 晏（ngaan3）＝【1】遲：咁～先起身。

【2】中午或下午：食～（吃午饭） 研（ngaan4）＝[jin4]學習：鑽～、～究；[ngaan4]輾過、磨：～過、～墨、～扁 罌（ngaang1/aang1）＝小口的瓦器：錢～、砂煲～罉 餲（ngaat3）＝臭（通常指帶有尿味）：個廁所好～。

拗（ngaau2）＝折彎，折斷：～斷條樹枝、～柴（脚扭伤或断了） 詏（ngaau3）＝爭執、爭辯：～撬、～頸（耍脾气坚持自己的意见） 淆（ngaau4）＝害怕：～底 殽（ngaau4）＝彎曲、變形：～框 （ngok6）＝抬頭：頭～～（头没目的地抬着）、～高頭 戇（ngong6）＝愚鈍，笨呼呼的：～居（笨、不知變通） 壅（ngung1）＝（以土或土狀物）埋、堆：～多啲泥（多培些泥）、啲沙～住我隻腳 蕹（ngung3）＝蕹菜（通心菜，粵語又叫「通菜」） P聲母———————————————————————————————————————— 漢字　拼音　　簡略解釋與例子 批（pai1）＝Pie：蘋果～、菠蘿～、雪～ 錍（pai1）＝五金工具：電～、螺絲～ 𠜱）＝pai1）＝削、刨：～蘋果、～雪梨 𢴒（paang1）＝趕走：～走、～佢扯 𨭌（paang1）＝（英文「pan」譯音詞）平底鑊：煎～；有蓋且較大嘅金屬食器同炊器：飯～ 蟛（paang4）＝蟹，方蟹科，體小，穴居水邊：蟛蜞（paang4kei4*2） 棚（paang4）＝量詞，用於牙齒：一～牙【亦可作「一排牙」（jat1paai4ngaa4）】；房屋最頂層：天～ 坺（paat6/pet6）＝堆、團，通常指糊狀物：一～牛屎（一堆牛粪），一～奶油 脬（paau1）＝膀胱；鼓起而輕軟之物：豬尿～ 奅（paau3）＝車大～（说大话骗人）、大～佬（专说大话的人） 𠵿（pe1）＝英文「pair」音譯；一對：一～、兩～情侶；紙牌，香港慣寫作「啤」（pe1）：打～、～牌 怶（pe5）＝對某事物失去熱情、冇心機地應付着：～晒、本～ 䠋（pe5）＝行路姿勢東歪西倒：行路～下～下噉 𣖕（peng1）＝靠背：凳～、牀～ 𩩍（peng1）＝肋骨：～骨 平（peng4）＝便宜：～價、～貨 噼（pet1）＝屁股；臀部：～～、𦣇～ 揙（pin2）＝搏鬥、打架：開～ 片（pin2/pin3）＝【pin2】將物體切成薄片：～皮鴨（【pin3*2】平面薄的物體：相～、影～、咭～（由於變音關係，「片」用於此意思之詞組時，通常會變讀成第二聲）【pin3】零星、部份：～面、～刻） 撇（pit3）＝乾脆：～脫；閃人：～！ 樖（po1）＝量詞，「株」、「棵」：一～樹（一棵树），一～菜（一棵菜） 㿺（pok1）＝因燙傷或皮膚自身原因導致的泡：起水～ 浮（pou4）＝【1】出現，露面：～頭（露面）【2】混，玩：今晚去邊～？（今晚去哪里混？）、最近好少去～（最近很少出去玩了） 仆（puk1）＝失足向前：～低、～倒；咒罵別人：～街 拚（pun2）＝不顧後果地拼一拼：～咗條老命搏一鋪（【俗語】拚死無大害（pun2sei2mou4daai6hoi6）／拚死無大礙（pun2sei2mou4daai6ngoi6）（請區分「拼」讀：ping3；「拚」讀：pun2） 撥（put3）＝扇扇子、搧動：～扇、～火（區分「潑」，讀：put3，組詞：潑水、潑冷水） S聲母———————————————————————————————————————— 漢字　拼音　　簡略解釋與例子 篩（sai1）＝顛簸：～下～下；淘汰：～走；過濾：～ 噬（sai6）＝咬：一啖～过嚟 糝（sam2）＝撒少量粉末狀東西於某物上：～啲鹽落去（撒点儿盐下去） 擤（sang3）＝按住鼻孔出氣，借以排出鼻腔內的粘液：～鼻涕 卅（saa1）＝三十：～幾個人、卅歲 嘥（saai1）＝【1】浪費：～錢、～電【2】挖苦，奚落：～人哋（挖苦别人） 晒（saai3）＝句末助詞，表示動作完成徹底或程度深：食～（吃光）、夠～（完全足够了）、唔該～（非常感謝） 曬（saai3）＝炫耀、展示：～命、～靚車 閂（saan1）＝關：～門、～水喉 潺（saan4）＝滑，且帶粘液狀：滑～～（滑溜溜）、～菜（一種蔬菜） 孱（saan4）＝軟弱體質差：～弱書生（弱不禁风的书生）、～仔（软弱的家伙） 霎（saap3）＝令人生氣的：～氣；用於指責別人行爲不合常理：～戇 煠（saap6）＝一種烹飪方法：～蛋；（俗語）～熟狗頭 潲（saau3）＝一種豬飼料，用泔水、米糠、野菜、剩飯等煮成：豬～ 睄（saau4）＝偷偷瞧：～佢幾眼（瞧他几眼） 瀉（se2）＝溢出：滿～；倒出：倒～籮蟹 卌（se3）＝四十：～幾個人、～幾歲 惜（sek3）＝【1】愛護，疼愛：好～你（很疼你）、愛～【2】親：～一啖（親一口，亦可寫作「𡃶」） 𡃶（sek3）＝親吻：～一啖（亲一口） 鍟（seng3）＝銹味：雨～（熱天時，落雨前地面發出嘅鍟味）、鐵～味、～味 郇（seon2）＝好東西：～嘢（好东西）、～盤（好樓盤，亦引申指值得交往嘅對象） 恤（seot1）＝憐恤（lin4seot1）、撫恤（fu2seot1） 裇（seot1）＝裇衫（seot1saam1）、T裇（ti1seot1） 銊（seot1）＝鎖：門～、～門 颸（si1）＝微微的涼風：風颸（fung1si1） 豉（si6）＝豆豉：～油（酱油）、～椒排骨（一道广东菜） 食（sik6）＝將固體放入口中吞落：～飯、～餸 蝕（sik6/sit6）＝虧、損：～本（亏本）、鞋底磨～晒（鞋底磨平了） 謆（sin3）＝陷害：俾人～咗鑊 𨃩（sin3）＝滑倒：～低、～親 騸（sin3）＝割去畜牲的睾丸或卵巢：～雞、～豬 星（sing1）＝（俗寫）動詞：兜巴～（迎面掌摑）；據：詹憲慈《廣州語本字》，該字本應作「膺」，讀：jing1 醒（sing2）＝聰明、反應快：～目、～水；回想起：～起；給予、獎賞：～你 成（sing4/seng4）＝整個、全個：～個、～日、～件事、～班人 攝（sip3）＝吸：～石、～青鬼 揳（sit3/sip3）＝（動詞）填塞空隙：～住、～枱腳；（例）好大風，唔該幫我用個楔～住道門吖 楔（sit3/sip3）＝（名詞）填塞空隙的東西：木～、門～；（例）好大風，唔該幫我用個～揳住道門吖 索（sok3）＝（形容詞）性感：型男～女；（動詞）拉緊：～緊條帶 嗍（sok3）＝吸（液体或气体）：～一啖可乐（吸一口可乐）、～氣（喘氣）、～白粉 瀡（soe4）＝滑：～滑梯 𠿬（soe4）＝愚昧的樣子：烏～～ 臊（sou1）＝初生嬰兒：～孲、～孲仔（亦可稱作「孲𤘅仔」，讀：aa4aa1zai2；像尿的氣味：～味 騷（sou1/(shou1)）＝（英文「show」的音譯，可讀「sou1」或「shou1」）演出、做戲：一場～、做～ 餸（sung3）＝【1】下饭的菜：煮咗五味～（煮了五道菜）【2】伴着吃，使某樣食物更好入口：咸菜～粥（咸菜伴着粥吃）、糖果～葯 處（syu3）＝地方、處所：邊～（哪里）、嗰～（那里，那儿） 損（syun2）＝傷破，一般指輕傷：～手爛腳（手傷腳破） （syut1）＝象聲詞，形容快：部車～一聲開過 T聲母———————————————————————————————————————— 漢字　拼音　　簡略解釋與例子 睇（tai2）＝看：～書（看书）、～水（把风） 𧨾（tam3）＝哄：～細路、～女仔 凼（tam5）＝坑：水～（水坑）、～仔（小坑） 氹（tam5）＝地名：氹仔（tam5zai2） 褪（tan3）＝移、挪：～過啲（挪过一点）、～後（往后移） 揗（tan4）＝抖震、顫動：震～～、～～震；害怕：～雞 踲（tan4）＝走來走去：周圍～、兩頭～ 豚（tan4）＝肥胖狀：肥豚豚（fei4tan4tan4） 偷/偸（tau1）＝盜竊：～嘢；（「偸」爲「偷」之本字，俞字底部從「巜」。

兩者皆可用） 㪗/唞（tau2）＝【1】休息：早～（晚安）、～涼（乘涼）【2】呼吸：～氣（喘氣、呼吸）【3】打開擺放：打開個蓋～下支紅酒先啦。

𧘹（taai1）＝英文「tie」音譯，領帶：領～、煲～、打～ 呔（taai1）＝英文「tyre」音譯，車胎：車～、爆～ 軚（taai5）＝車的方向盤：～盤（方向盤）、打～（打方向盤） 舦（taai5）＝船的方向盤：～盤（方向盤）、轉～（打方向盤，亦引伸出「改變立場」嘅意思） 燂（taam4）＝用火在表面輕微地燒：～下啲豬腳毛（燒下豬蹄表面已達到去毛嘅目的） 嘆（taan3）＝憂鬱地感受着：～世界、～息、～氣、感～ 歎（taan3）＝寫意地感受着：～世界、～冷氣、～茶、識～、驚～ 錔（taap3）＝名詞，鎖：一把～；動詞，鎖：～住、～起、～實道門 鰨（taap3/taat3）＝一種比目魚：鰨沙（taap3saa1） 靸（taat1）＝指穿鞋時將後跟壓下拖着走，很隨便的樣子：～住對拖鞋。

撻（taat1）＝蛋～：蛋塔 撻（taat3）＝～大隻腳周圍行（光着脚到处逛） 遢（taat3）＝邋～（肮脏，不干净） 𢚖（ti4）＝與「揗」連用：發～揗、～～震 剔（tik1）＝打勾：打～；勾選：～選；移除：～除 添（tim1）＝語氣詞，用於句尾，表示「加上」之意：仲有佢～ 聽（ting1）＝翌日、次日：～日、～晚 停（ting4*2）＝量詞，種類：呢～人（这种人）、呢～唔錯（这个品种不错） 窕（tiu4）＝悠閒地：他窕（taa1tiu4） 佗（to4）＝背，一般指弓着腰地背：～住細路（背着孩子） 堶（to4）＝古時用作拋擲遊戲的磚塊：冇尾飛堶（mou5mei5fei1to4） 劏（tong1）＝宰殺：～豬（杀猪）、～鷄還神（杀鸡谢神） 摥（tong3）＝推：～開道門；一種傳統的防盜門：摥櫳（tong3lung2）、～櫳門 溏（tong4）＝不凝結、半流動的：溏心（tong4sam1） 塘（tong4）＝蜻蜓之類的昆蟲：塘尾（tong4mei5*1） W聲母———————————————————————————————————————— 漢字　拼音　　簡略解釋與例子 搵（wan2）＝找：～人（找人）、～嘢（找东西）、～工（找工作） 韞（wan3）＝關押，扣押：拘留所～住啲小偷（小偷被关在拘留所）、用個籠～住隻雀（用笼把小鸟关起来） 勻（wan4）＝勻稱、勻淨、均勻、勻巡 搲（waa2）＝用手指抓：隻貓～損咗我（猫把我抓伤了）、～開件衫（扒开衣服） 屈（wat1）＝彎曲：～住、～斷；靈機一觸：～機；委屈：個心～住～住；冤枉：老～、～人 核（wat6）＝難看：～突/鶻突；植物種子：啜～、一粒～；喉結：喉欖～、喉～ 搲（we2）＝用手指抓（搲口語讀we2）：隻貓～損咗我（猫把我抓伤了）、～開件衫（扒开衣服）、～銀（賺錢） 𨋍（wen1）＝英文「van」譯音，小巴：～仔、綠～ 𠿭（wet1）＝出去玩樂：去～、周圍～ 喴（wi1）＝象聲詞：電視發出～～聲；表示大聲吵鬧：～嘩鬼叫 滒（wo1）＝多汁，柔滑，粘稠：～蛋奶（生雞蛋打入滾熱牛奶中形成滑膩嘅甜品）、～蛋牛肉飯 喎（wo3）＝句末語氣詞【1】表示一種置身其外的語氣：我一啲都唔知～（我一点都不知道）【2】表示輕微的讚嘆：好靚～（挺漂亮的） 啝（wo4/wo5）＝句末語氣詞【1】表示陳述別人觀點的語氣：佢話唔得～（他说不行的）、佢叫你過去～（他叫你过去）【2】帶有諷刺意味：係咯～（才不是呢！） 𢰸（wo5）＝糟糕：～咗；破壞：扠～；被破壞了：成件事～晒 鑊（wok6）＝用來炒菜的鍋：～鏟、大～（引申義為「糟糕」） 煨（wui1）＝放在火堆的炭裏燒熟：～番薯 Z聲母———————————————————————————————————————— 漢字　拼音　　簡略解釋與例子 擠（zai1）＝放：～低、～喺度 仔（zai2）＝【1】用法相當於「子」，意為小東西：細路～（小孩子）、雀～（小鳥）、杯～（小杯子）【2】兒子：～女（儿女） 掣（zai3）＝開關、按鈕：電～（电开关）、手～（游戏机的摇杆） 䎺（zai3）＝願意：～唔～？（愿意吗？） 枕（zam2）＝長期；經常、不斷地：～住、～長；例句：甲方嗰邊～住有人喺度監督品質㗎 沉（zam6）＝溺水：唔好去深水區，啲水浸過人頭，小心～親。

𠹻（zam6）＝味道量詞：一～味、一～𡃴 真（zan1）＝清楚：睇～啲、望唔～ 憎（zang1）＝厭惡：～恨、～到佢死；討厭：乞人～ 執（zap1）＝拾：～嘢、～藥、～拾 騭（zat1）＝傷天害理之事：陰～ 窒（zat6）＝本義為「堵」、「塞」，不及物動詞：口～～（结结巴巴）、突然～住（突然停住）；可引申為及物動詞，意為「使別人沒話説」：～到佢冇聲出（用言语堵得他没话说） 揸（zaa1）＝用手指抓東西：～住把刀（手拿着刀）、～車（开车）、揸篼乞食（拿饭碗乞讨） 䕢（zaa2）＝差勁的：䕢波（zaa2bo1）、發爛䕢（faat3laan6zaa2）；骯髒；不道德：藞䕢（laa5zaa2） 咋（zaa3）＝句末語氣詞，相當於「纔」、「罷了」、「而已」：我去過一次～（我才去过一次）、我得十文～（我只有10块钱） 詐（zaa3）＝裝模作樣：～諦、～～諦諦 拃（zaa3）＝張開拇指同中指（或小指）量長度；量詞：三～長、兩～闊 挓（zaa6）＝【動詞】堵住、塞住：～住條街（堵住这条街道）；霸佔：掗～ 秅（zaa6）＝【量詞】用手抓的一把，或形容一堆數量繁多的東西：一～芝麻（一把芝麻）、一～螞蟻（一群蚂蚁） 迮（zaak3）＝重物壓於上：嚿石～住隻腳、大石～死蟹 㜺（zaan2）＝美妙、有趣：呢隻古仔好～鬼（这个故事妙） 趲（zaan2）＝走～（鬆動嘅空間） 爭（zaang1）＝同「差」用法一樣，意思係：欠、缺（讀：caang1或zaang1：～人錢、仲～噉個人 踭（zaang1）＝【1】肘：手～【2】腳跟：腳～、高～鞋（高跟鞋） 鬇（zaang1）＝頭髮蓬鬆而淩亂：頭髮起晒～（頭髮蓬鬆） 鈒（zaap6）＝～骨（衣服等鎖邊） 甴（zaat2）＝曱甴（蟑螂） 櫂（zaau6）＝～艇（划艇） 棹（zaau6）＝要避免的、不吉利的：～忌 遮（ze1）＝雨傘：擔～、雨～ 嗻（ze1）＝句末語氣詞：好閒～（无所谓的语气：没什么大不了的）；關你乜事～？（不满的语气：关你什么事呀？）；好唔好～？（追问的语气：好不好啊？） 啫（ze1）＝～喱、～喱豆、～～雞、～～黄鳝、～～煲 唧（zek1）＝同「嗻」差不多，不過讀音和使用習慣上有區別：關係親密的人之間提出建議的語氣詞：好唔好～？；親密的語氣：真係好嘅～！；不滿的語氣：關你乜事～？ 咀（zeoi2）＝動詞：～嚼、～嘴；名詞，指出入口位置：洲頭～（地名）、樽～、錍～ 嘴（zeoi2）＝動物吃食、發聲的器官：一把～、啜～、掌～ 樽（zeon1）＝瓶：玻璃～、膠～ 捽（zeot1）＝搓、擦：～老泥（搓污垢） 黢（zeot1）＝烏黑的，通常疊用：黑～～、烏～～ 螆（zi1）＝蚊子、蠓蟲等小飛蟲的總稱：蚊～ 癪（zik1）＝疳積病：生～（疳積病） 即/卽（zik1）＝就係：～係；當刻：～時、～刻（「即」之本字，皂字邊，卽（即）、墍（塈）、曁（暨）等如此類推。

） 櫼（zim1）＝插隊：打～ 剩（zing6）＝剩下：～低、～返五個人 淨（zing6）＝只有：～重、～係、～得 摺（zip3）＝折、疊：～紙、～被 瀄（zit1）＝液体溅出或喷出：俾啲水～到週身濕晒（被水溅到满身湿透）、佢用水槍～我（他用水枪射我） 擳（zit1）＝通過擠壓以把内部東西逼出：～牙膏、～暗瘡 照（ziu3）＝照顧，關照：放心啦，入面有熟人～住（放心吧，里面有熟人关照）、我～你（我关照着你） 噍/𡁻（ziu6/zeu6）＝嚼、咀嚼：～香口膠、～完鬆（占了便宜就跑） 摷（ziu6）＝打：～佢一鑊（打他一顿） 咗（zo2）＝表示動作完成，相當於「了」：完成～任務（完成了任务）、走～（走了） 阻（zo2）＝妨礙：～住、～礙、～頭～勢 着（zoek3）＝穿：穿～、～衫、～褲 着（zoek6）＝某事情開始：～火、～燈、～手；得到好處：得～；正確：邊個唔啱、邊個唔～都好啦，唔好勞氣。

䁓（zong1）＝偷偷地望：隻貓時不時～下個主人 舂（zung1）＝杵、墜落：～佢一拳；闖：亂咁～ 盅（zung1）＝一種體積較少的器皿：煙灰～、口～、茶～ 仲（zung6）＝還，再，更：～有（还有）、～係（还是）、～好（更好） 著（zyu3）＝寫：～作；聞名的：～名 箸（zyu6）＝量詞，一筷子：一～菜、一～麵 住（zyu6）＝表示動作持續發展的助詞：睇～、撳～、記～ 啜（zyut3）＝用嘴吮吸：～田螺；吻：～一啖（吻一下） 說明： 以上漢字之中文發音一律採用拼音標註，詳細教程可瀏覽拼音官網（粵文）；《Jyutping（粵拼）詳細教程》（中文）；《〈香港语言学学会粤语拼音方案〉完全攻略》（简体字）或《TheLinguisticSocietyofHongKong》（英文）。

為方便查閱，字表按各字拼音聲母順序分類排列； 本字表的製作參考了《廣州話正音字典》、《廣州方言字典》、《廣州話詞典》、《妙趣廣州話》、《王亭之閒談》、《正字正確》、《廣東俗語考》等書籍文獻及《粵語審音配詞字庫》、《漢字字典》等網頁； 表中以「/」分隔開之漢字表示爲通用字； 若想查閱各字之更詳細資料，請查閱字典：《粵音資料集叢》。

內容聲明： 本《粵語字打字大全》係基於粵協highyun先生發佈嘅《粵語字各種打字法及解釋大全（2007賀歲版）》進行完善補充嘅字表。

做法係從各網站、書本中蒐集原資料入面所缺失嘅粵語字並將其加入，以求做到更大程度噉將粵語字收集齊全。

本文內容爲作者〇二事件喺網上蒐集並整理，由於收字眾多，難免會有錯漏，故建議僅作參考之用。

作者允許公眾轉載本文，亦歡迎大家對內容作修正、補充及整理，但並未允許喺轉載過程中對內容入面嘅拼音作任何替換／非修正性改寫。

敬請留意。

　　上篇文章，因應唔少網友向零二提出「明明我識中文，點解仲要學拼音」等等問題，零二向大家講解咗唔少點解要學習拼音嘅原因。

當中引用咗一啲網友發言嘅截圖（勿打😂，從中可見目前唔少人用電腦輸入粵文嘅時候出現好多錯別字。

所以特藉此文，同大家講下零二對呢啲現象嘅睇法。

而家粵語學界有唔少門派（零二乜派都唔係😂）喺粵語嘅本字、造字同俗字之間周旋、取得平衡，逐漸發展出一套大家認可嘅「正字」，使學術推敲嘅粵字同約定俗成嘅粵字間之分歧不斷收窄（簡單啲來講，即係粵文嘅標準化程度逐漸得到提升）。

零二唔準備喺呢度細講，只係諗住輕輕帶過呢幾個詞，以便大家理解。

如果想直接睇前文《點解要學好拼音？》入面截圖內出現嘅錯字修正建議，請skip呢個話題同忽略下表。

詞 意思 本字 最初寫法，即：（現今）粵語獨有用法嘅字嘅起源及最初寫法。

唔少本字係由各專家、學者喺各種資料中發掘推敲。

特色：部份字被詬病其發音及意思同現代用法相差甚遠，而且各派說法不同。

造字 由香港政府設計嘅粵語文字。

呢種文字脫離對本字嘅追求，爲粵字創造一套新嘅漢字。

特色：創造咗好多口字邊嘅字，如：呢、啲、噉、嘅、嘢等等，同埋吸納咗一啲單音節英語發音，如：𨋢（lip1,lift）、𨋍（wen1,van）等等。

俗字 與本字相對。

即：脫離對本字嘅追求，係大眾約定俗成嘅寫法（俗寫）。

特色：俗字可能係本字、造字同錯別字。

正字 係專家、學者同一般語言使用者喺本字、造字同俗字之間取得嘅平衡，並以之爲標準。

特色：較俗寫相對有一套可循嘅標準，較本字及造字相對爲現代中文使用者所接受。

  好，介紹完本字、造字、俗字同正字之間嘅概念，我哋開始本篇文章嘅初心： 小朋友：點解「初心」呢兩個字特別大嘅？ 大人：Syu4，細路仔唔好亂講嘢！   首先零二必須講明，語言上面「啱」同「錯」係相對嘅、而且係用家主觀嘅，而非絕對。

故此，下表列出嘅「修正」（correction）僅爲本人提出認爲相對正確嘅建議（suggestion）。

如有被引用者見字，望勿感到冒犯。

下表以前文《點解要學好拼音？》中所圈出嘅各種錯字、別字、英文發音代替現象爲例，提出建議寫法及輸入法拼音碼： ＊＊各位網友可以一邊試住用下表右邊嘅拼音碼打字 （未安裝拼音輸入法嘅網友可以點擊此處下載輸入法先） 原文 正確寫法 拼音輸入法 多謝晒 dozesaai 而家啲潮文 jigaadiciuman 中學雞寫埋啲文讕係大個仔 zunghokgaisedimanlaanhaidaaigozai 咗 zo 只係見到老竇俾阿媽罰 zihaigindouloudaubeiaamaafat 嗰陣時係覺得最慘痛嘅懲罰 gozansihaigokdakzeoicaamtunggecingfat 學校朝朝都係佢 hokhaauziuziudouhaikeoi 諗返起 namfaanhei 而家啲明星 出親嘅新聞都係乜 jigaadimingsing ceotcangesanmandouhaimat 好難真係搵到個真正嘅偶像 hounaanzanhaiwandougozanzinggengauzoeng 終於搵返你 zungjyuwanfaannei 咁誇張 gamkwaazoeng 你發個出來 睇下我有冇得搶 neifaatgoceotloi taihaangojaumoudakcoeng 學校都唔俾出 邊個幫襯呀 hokhaaudoumbeiceot bingobongcanaa 都唔記得咗噏乜 doumgeidakzongapmat     廣東話粗口只需記住五字真言 𨳒 閪 𨳊 𨶙 𨳍 靈活運用這五個字就是高手 gwongdungwaacouhauziseoigeizyungzizanjin diu hai gau lan cat lingwutwanjungzenggozizausigousau 廣州喺呢十年來變成噉嘅樣 gwongzauhainisapninloibinsinggamgejoeng ▲各位可以用上表右邊嘅拼音碼打出正確寫法入面建議嘅字 （未安裝拼音輸入法嘅朋友請點擊此處下載輸入法）   有咗正常嘅拼音打字法，我哋終於可以…… ！ ▲以北方話拼音打粵文嘅現象 正如零二喺《點解要學好拼音？》一文提到：欠缺拼音知識、依賴其它語言嘅拼音打中文係普遍粵語使用者嘅打字能力以至整體語文運用能力都落後於其他語言使用者嘅重要原因之一！呢點，我哋從上面網友嘅打字習慣同錯別字情況來睇可見數斑。

舉例咗咁多，相信各位朋友而家都應該心中有數。

文章結尾，祝大家身體健康、學業有成。

我哋下文再傾。

請揀選語文｜Selectyourlanguge ＊本網誌內容以中文發佈。

若需以其它語言閱讀，請點選下方鏈接。

＊ArticlesherepublishedinCantonese.Ifyouprefertoreadinotherlanguage(s),pleasechooseyourlanguagebelow.  普通话｜English｜日本語 其它語文（OtherLanguages） 作者筆記｜Notesforreaders 大家好，我係廣州人、中文使用者。

各位可以稱呼我做零二事件（ling4ji6si6gin6、れんいしぎん）。

——————————————— 粵語，中國國語（漢語）之一，擁有不同分支、各有特色，以廣州話爲典範作通用語。

粵語係世界各地華人（唐人、粵人）社區嘅主要交流語言，其喺中國嘅使用地域主要分佈喺廣東、廣西及海南。

另外，粵語係香港同澳門嘅法定語言。

——————————————— 本人對粵語母語使用者、學習者及從事粵文專業人士之建議： 一、學習粵語拼音（Jyutping）。

學習拼音可增強對語音嘅安全感；遇到唔識寫嘅字詞時，可以透過拼音查詢，或臨時以之代替未知文字嘅發音，而無需亂打英文或同音別字；遇到唔識讀嘅字詞時，查字典亦可根據拼音得知正確發音； 二、用拼音打字。

習慣以拼音打中文可有助鍛鍊語感、自我發現一直讀錯嘅字詞、逐漸糾正誤讀； 三、以傳統漢字（香港標準嘅正體中文）書寫、輸入粵文。

世界上從來冇任何機構爲粵文專門設立「簡體」書寫系統。

粵文無「簡體」，故正體字係書寫粵文嘅唯一合法字體。

——————————————— 祝各位教／學中文嘅過程順利、愉快！ Backtotop Follow Following 零二中文教學筆記 Signmeup AlreadyhaveaWordPress.comaccount?Loginnow. 零二中文教學筆記 Customize Follow Following Signup Login Reportthiscontent ViewsiteinReader Managesubscriptions Collapsethisbar   LoadingComments...   WriteaComment... Email(Required) Name(Required) Website