寫廣東話嘅路，應該點行落去

粵語書寫並唔係新事物，清末已經有傳教士用粵語寫故仔，民初亦有用純粵語寫嘅報紙，1947年嘅方言文學運動亦有一大堆粵語作品，1980年代打後， ... GetstartedOpeninapp阿擇（Chaaak）SigninGetstarted2.4KFollowersAboutGetstartedOpeninapp寫廣東話嘅路，應該點行落去為大家解決幾個關於粵語書寫嘅困惑阿擇（Chaaak）Aug4,2018·9minreadPhotobyGlennCarstens-PetersonUnsplash粵語書寫並唔係新事物，清末已經有傳教士用粵語寫故仔，民初亦有用純粵語寫嘅報紙，1947年嘅方言文學運動亦有一大堆粵語作品，1980年代打後，亦有一啲用類似文體嘅袋裝書。

粵語嘅書寫從無間斷，過百年嘅粵語書寫嘗試，除咗建立咗一套書寫習慣，同時亦都儲咗一班識睇粵語嘅人，甚至係識得用漢字記錄粵語嘅人，呢個基礎並唔係三四年可以建立，而係前人長時間累積返嚟嘅。

粵語書寫體並非平空出現嘅事物，但係近年粵語書寫百花齊放，並唔單止係回帶，而係喺前人嘅基礎上，將粵語變成完整書寫文字嘅全新嘗試，用字行文有創新改良之餘，對象唔再係文盲、內容唔再庸俗，超越文體限制，亦都衝破各類使用範域，係完全提升做更高層次。