廣東話拼音教學，一次過教識你78個粵拼聲母、韻母同6個聲調

廣東話拼音一直都畀香港人忽略咗，但其實拼音系統對於延續同傳承一個語言非常重要。

懶音同正字呢啲一直阻礙廣東話發展嘅問題，其實可以通過全民學廣東 ... 停課期間，全部真人配音粵文故事書八折，快啲買畀小朋友睇啦！了解多啲 Skiptocontent 主頁廣東話拼音廣東話拼音教學，一次過教識你78個粵拼聲母、韻母同6個聲調 廣東話拼音一直都畀香港人忽略咗，但其實拼音系統對於延續同傳承一個語言非常重要。

懶音同正字呢啲一直阻礙廣東話發展嘅問題，其實可以通過全民學廣東話拼音解決。

喺呢篇文，我哋會用發音圖表、錄音同文字描述教識大家粵拼嘅78個聲母同韻母。

因爲粵拼係基於國際音標而創立嘅系統，如果你對國際音標系統有少少認識，再學粵拼會容易好多。

香港人點解要學廣東話拼音啊？香港人學廣東話拼音有三個好處。

第一，學識廣東話拼音可以幫我哋糾正自己嘅懶音。

香港人講嘢經常nl不分，nng不分。

學咗廣東話拼音之後，唔單止可以學識n同l發音方式嘅分別，重可以知道啲字係應該點讀。

例如你[nei5]同理[lei5]、外[ngoi6]同內[noi6]、韓[hon4]同航[hong4]呢啲好相似嘅字。

第二，學識廣東話拼音可以幫我哋搵正字。

因為香港人冇接受過廣東話書寫嘅教育，好多字我哋識讀唔識寫，結果成日就寫咗錯嘅字出嚟。

例如抌[dam2]垃圾、揼[dap6]骨、唔使[sai2]、黐[ci1]線、擘[maak3]大個口、舐[laai2]腳趾，呢啲字香港人成日會寫咗做「dum」垃圾、「dup」骨、唔「洗/駛」、「痴/癡」線、「mark」大個口、「奶」腳趾。

當我哋識讀唔識寫，又想搵翻呢啲字出嚟，用廣東話拼音查就最易搵到答案。

第三，學識廣東話拼音可以幫我哋更加了解廣東話。

唔知你有冇發現，文白二讀同變調呢兩個現象呢？同一隻字，我哋會有多過一個有規律嘅讀法。

文白兩讀嘅例子有成[seng4]日同成[sing4]功、山頂[deng2]同頂[ding2]點、瞓醒[seng2]同醒[sing2]目。

變調嘅有例子澳門[mun2]同木門[mun4]、香港人[jan4]同女人[jan2]、母[mou5]親同老母[mou2]、道路[lou6]同走路[lou2]⋯⋯呢一啲咁得意嘅秘密，全部都要學識廣東話拼音先可以發現同欣賞。

香港人應該學邊一種廣東話拼音啊？因為冇政府嘅支持，廣東話現時冇一套統一嘅拼音系統。

幾套系統當中，香港語言學學會粵語拼音方案（粵拼）同耶魯粵語拼音（耶魯）係依家嘅主流。

我哋推薦大家學粵拼，因為粵拼收錄嘅音又多啲，用電腦打起上嚟都方便啲。

如果你想了解多啲粵拼同耶魯嘅分別，可以睇吓呢一篇文章。

粵拼嘅標音結構係點㗎？粵拼會標示字嘅聲母、韻母同聲調去代表字嘅發音。

聲母一定要係輔音（consonants），而韻母就可以由兩個元音（vowel）或者一個元音同一個輔音組成。

每一個字都一定有韻母，但唔一定有聲母。

廣東話拼音:單元音元音（Vowel）係指啲發音嗰陣聲帶有震動，而且發出嘅氣流唔受或者只係受少量阻礙嘅音。

音節輔音（Syllabicconsonants）係指啲好似元音噉可以單獨發音嘅輔音。

單元音音節輔音aae i ou yu oemngaa字例：家[gaa1]發音方法：好自然噉擘到你個口最大，放你條脷喺下顎之後伸到最前，放鬆你嘅嘴唇。

語言學嘅描述[IPA符號：ɑ]：元音高度係全開；元音脷位係前，元音圓唇度係非圓唇。

e字例：咩[me1]發音方法：好自然噉擘大個口，但唔好擘到最大；放你條脷喺下顎之後伸到最前，放鬆你嘅嘴唇。

語言學嘅描述[IPA符號：ɛ]：元音高度係半開；元音脷位係前，元音圓唇度係非圓唇。

i字例：詩[si1]發音方法：合埋你個口；將你條脷伸到最前；向左右兩邊拉你嘅嘴唇。

語言學嘅描述[IPA符號：i]：元音高度係合；元音脷位係前，元音圓唇度係非圓唇。

o字例：波[bo1]發音方法：擘大你個口，但要比你平時自然擘大嘅幅度細；將你條脷縮到最後；用你嘅嘴唇整個O字金魚嘴出嚟。

語言學嘅描述[IPA符號：ɔ]：元音高度係半開；元音脷位係後，元音圓唇度係撮唇。

u字例：膚[fu1]發音方法：合埋你個口；將你條脷縮到最後；用你嘅嘴唇整個金魚嘴出嚟，然後輕微向上翹。

語言學嘅描述[IPA符號：u]：元音高度係合；元音脷位係後，元音圓唇度係撮唇。

 oe字例：靴[hoe1]發音方法：擘大你個口，但要比你平時自然擘大嘅幅度細；將你條脷伸到最前；將你嘅嘴唇向內接，唔好俾人見到你嘴唇嘅入面（好似食自己嘅嘴唇噉）。

語言學嘅描述[IPA符號：œ]：元音高度係半開；元音脷位係前，元音圓唇度係斂唇。

 yu字例：魚[jyu2]發音方法：合埋你個口；將你條脷伸到最前；用你嘅嘴唇整個金魚嘴出嚟，然後輕微向上翹。

語言學嘅描述[IPA符號：y]：元音高度係合；元音脷位係前，元音圓唇度係撮唇。

廣東話發音:音節輔音m字例：唔[m4]發音方法：合埋你個口；放鬆條脷。

喺發音嗰陣，你應該會感受到有氣流經你個鼻噴出嚟。

ng字例：五[ng5]發音方法：擘大你個口，用你條脷嘅後半部份頂住軟顎。

喺發音嗰陣，你應該會感受到有氣流經你個鼻噴出嚟。

廣東話拼音:複元音複元音係通過連續發兩個單元音組成嘅音。

喺粵拼，複元音通常係由單元音i或者u同其他單元音組成嘅。

複元音ai、au、ou、ei同eoi嘅發音包含咗一啲粵拼冇標示嘅單元音（只係得IPA有標示）。

喺學呢幾個音嗰陣，一定要留心啊。

複元音 iuaaaaiaauaaiaueeieuooioui/iuuui/oe//複元音eoi​​aai字例：街[gaai1]發音方法：好快噉連續發aa同i兩個單元音。

語言學嘅描述[IPA符號：ai]：元音高度由全開變合；元音脷位一直保持係前；元音圓唇度一直保持係非圓唇。

​ai字例：雞[gai1]發音方法：好快噉連續發a同i兩個單元音。

發a呢個音，你要好自然噉擘大個口，唔好擘到最大，但擘大嘅幅度要大過發e音；將你條脷保持喺中間；放鬆嘴唇。

語言學嘅描述[IPA符號：ɐi]：元音高度由次開變合；元音脷位由中變前；元音圓唇度一直保持係非圓唇。

​aau字例：攪[gaau2]發音方法：好快噉連續發aa同u兩個單元音。

語言學嘅描述[IPA符號：au]：元音高度由全開變合；元音脷位由前變後；元音圓唇度由非圓唇變撮唇。

​​au字例：九[gau2]發音方法：好快噉連續發a同u兩個單元音。

發a呢個音，你要好自然噉擘大個口，唔好擘到最大，但擘大嘅幅度要大過發e音；將你條脷保持喺中間；放鬆嘴唇。

語言學嘅描述[IPA符號：ɐu]：元音高度由次開變合；元音脷位由中變後；元音圓唇度由非圓唇變撮唇。

​​ei字例：死[sei2]發音方法：好快噉連續發e（IPA符號而唔係粵拼）同i兩個單元音。

發e呢個音，你個口唔可以擘太大，幅度要大過o音，細過e音（粵拼）；將你條脷伸到最前；放鬆嘴唇。

語言學嘅描述[IPA符號：ei]：元音高度由半合變合；元音脷位一直保持係前；元音圓唇度一直保持係非圓唇。

​​eoi字例：催[ceoi1]發音方法：好快噉連續發ɵ同y兩個單元音（呢兩個都係IPA符號而唔係粵拼）。

發ɵ呢個音，你個口擘大嘅幅度要細過e音（粵拼）；將你條脷微微縮後，放喺口腔嘅中間；用你嘅嘴唇整個O字金魚嘴出嚟。

發y呢個音嘅方法，可以參考上面提過嘅yu音。

​語言學嘅描述[IPA符號：ɵy]：元音高度由半合變合；元音脷位由中間變前；元音圓唇度保持撮唇。

​​eu字例：掉[deu6]發音方法：好快噉連續發e同u兩個單元音。

​​語言學嘅描述[IPA符號：ɛu]：元音高度由半開變合；元音脷位由前變後；元音圓唇度由非圓唇變撮唇。

​​iu字例：超[ciu1]發音方法：好快噉連續發i同u兩個單元音。

語言學嘅描述[IPA符號：iu]：元音高度一直保持係合；元音脷位由前變後；元音圓唇度由非圓唇變撮唇。

​oi字例：開[hoi1]發音方法：好快噉連續發o同i兩個單元音。

語言學嘅描述[IPA符號：ɔi]：元音高度由半開變合；元音脷位由後變前；元音圓唇度由撮唇變非圓唇。

​ou字例：刀[dou1]發音方法：好快噉連續發o（IPA符號而唔係粵拼）同u兩個單元音。

發o呢個音，你個口唔可以擘太大，幅度要大過0音，細過e音；將你條脷縮到最後；用你嘅嘴唇整個O字金魚嘴出嚟。

​語言學嘅描述[IPA符號：ou]：元音高度由半合變合；元音脷位一直保持係後；元音圓唇度一直保持係撮唇。

​ui字例：灰[fui1]發音方法：好快噉連續發u同i兩個單元音。

語言學嘅描述[IPA符號：ui]：元音高度一直保持係合；元音脷位由後變前；元音圓唇度由撮唇變非圓唇。

​廣東話拼音:輔音輔音（Consonants）係指啲發音時受到阻礙嘅音。

輔音除咗可以用做聲母之外，都可以放喺單元音後面做韻尾（Syllablecode），組成韻母。

廣東話總共有4組輔音。

為咗方便用圖表解釋，下面全部輔音都會加埋單元音aa落去。

輔音（塞音）輔音（塞音）bpdtgkgwkwzcB字例：爸[baa1]發音方法：發音之前合埋你個嘴，唔好放氣流出去。

喺口入面有氣壓之後再擘大個口發音；發音嘅時候唔應該有氣流由你個鼻噴出去。

語言學嘅描述[IPA符號：p]：塞音；發音部位喺嘴唇；冇發聲；口腔輔音；發聲器官係肺。

​P字例：趴[paa1]發音方法：呢個音同b音一模一樣，不過喺發聲嗰陣要用力噴氣。

放隻手喺你個嘴前面，你應該會感受到有強烈嘅氣流噴出嚟。

語言學嘅描述[IPA符號：pʰ]：塞音；發音部位喺嘴唇；冇發聲；口腔輔音；發聲器官係肺。

D字例：打[daa1]發音方法：發音之前用你條脷頂住牙同牙齦中間，唔好放氣流出去。

喺口入面有氣壓之後放鬆條脷發音；發音嘅時候唔應該有氣流由你個鼻噴出去。

語言學嘅描述[IPA符號：t]：塞音；發音部位喺牙同牙齦中間；冇發聲；口腔輔音；發聲器官係肺。

T字例：他[taa1]發音方法：呢個音同d音一模一樣，不過喺發聲嗰陣要用力噴氣。

放隻手喺你個嘴前面，你應該會感受到有強烈嘅氣流噴出嚟。

語言學嘅描述[IPA符號：tʰ]：塞音；發音部位喺牙同牙齦中間；冇發聲；口腔輔音；發聲器官係肺。

G字例：家[gaa1]發音方法：發音之前用你條脷後半部份頂住軟齶，唔好放氣流出去。

喺口入面有氣壓之後放鬆條脷發音；發音嘅時候唔應該有氣流由你個鼻噴出去。

語言學嘅描述[IPA符號：k]：塞音；發音部位喺軟齶；冇發聲；口腔輔音；發聲器官係肺。

K字例：卡[kaa1]發音方法：呢個音同g音一模一樣，不過喺發聲嗰陣要用力噴氣。

放隻手喺你個嘴前面，你應該會感受到有強烈嘅氣流噴出嚟。

語言學嘅描述[IPA符號：kʰ]：塞音；發音部位喺軟齶；冇發聲；口腔輔音；發聲器官係肺。

Gw字例：瓜[gwaa1]發音方法：呢個音同g音一模一樣，不過喺發聲嗰陣，要將嘴唇變做金魚嘴。

語言學嘅描述[IPA符號：kʷ]：塞音；發音部位喺軟齶；冇發聲；雙唇圓化；口腔輔音；發聲器官係肺。

Kw字例：誇[kwaa1]發音方法：呢個音同gw音一模一樣，不過喺發聲嗰陣要用力噴氣。

放隻手喺你個嘴前面，你應該會感受到有強烈嘅氣流噴出嚟。

語言學嘅描述[IPA符號：kʷʰ]：塞音；發音部位喺軟齶；冇發聲；雙唇圓化；口腔輔音；發聲器官係肺。

Z字例：揸[zaa1]發音方法：用你條脷尖頂住啲牙同脷嘅前半部份掂住牙齦，喺口入面有氣壓之後再鬆開條脷發音；發音嘅時候唔應該有氣流由你個鼻噴出去。

語言學嘅描述[IPA符號：ts]：噝塞擦音；發音部位喺牙同牙齦中間；冇發聲；口腔輔音；發聲器官係肺。

C字例：差[caa1]發音方法：呢個音同z音一模一樣，不過喺發聲嗰陣要用力噴氣。

放隻手喺你個嘴前面，你應該會感受到有強烈嘅氣流噴出嚟。

語言學嘅描述[IPA符號：tsʰ]：噝塞擦音；發音部位喺牙同牙齦中間；冇發聲；口腔輔音；發聲器官係肺。

輔音（鼻音）輔音（鼻音）mnngM字例：媽[maa1]發音方法：合埋你個口；放鬆條脷。

喺發音嗰陣，你應該會感受到有氣流經你個鼻噴出嚟。

語言學嘅描述[IPA符號：m]：塞音；發音部位喺雙唇；有發聲；鼻腔輔音；發聲器官係肺。

N字例：（冇常用字）[naa1]發音方法：用你條脷頂住牙齦中間，唔好放氣流由口出去。

喺發音嗰陣，你應該會感受到有氣流經你個鼻噴出嚟。

語言學嘅描述[IPA符號：n]：塞音；發音部位喺牙齦；有發聲；鼻腔輔音；發聲器官係肺。

​Ng字例：鴉[ngaa1]發音方法：擘大你個口，用你條脷嘅後半部份頂住軟顎。

喺發音嗰陣，你應該會感受到有氣流經你個鼻噴出嚟。

語言學嘅描述[IPA符號：ŋ]：塞音；發音部位喺軟顎；有發聲；鼻腔輔音；發聲器官係肺。

輔音（擦音）輔音（擦音）fhsF字例：花[faa1]發音方法：喺發音嗰陣，用你啲輕輕掂住下唇條脷嘅後半部份頂住軟顎。

你唔應該感受到有氣流經你個鼻噴出嚟。

語言學嘅描述[IPA符號：f]：擦音；發音部位喺唇齒；冇發聲；口腔輔音；發聲器官係肺。

H字例：蝦[haa1]發音方法：放鬆條脷同嘴唇，擘大口再噴氣。

你唔應該感受到有氣流經你個鼻噴出嚟。

語言學嘅描述[IPA符號：h]：擦音；發音部位喺聲門；冇發聲；口腔輔音；發聲器官係肺。

​S字例：沙[saa1]發音方法：發音嗰陣，伸長你條脷直至掂到啲牙。

你唔應該感受到有氣流經你個鼻噴出嚟。

語言學嘅描述[IPA符號：s]：噝音；發音部位喺聲門；冇發聲；口腔輔音；發聲器官係肺。

​​​輔音（半元音）輔音（半元音）lwjL字例：啦[laa1]發音方法：喺發音之前，伸長你條脷頂住牙同牙齦中間。

喺發音嗰陣，保持條脷嘅位置，令氣流由脷嘅兩側噴出。

最後，要震動你嘅聲帶。

喺成個過程，你都唔應該感受到有氣流經你個鼻噴出嚟。

語言學嘅描述[IPA符號：l]：近音；發音部位喺牙同牙齦中間；有發聲；口腔輔音；發聲器官係肺。

​​W字例：蛙[waa1]發音方法：喺發音之前，將脷嘅後半部份掂住軟顎。

喺發音嗰陣，保持條脷嘅位置，將嘴唇變做金魚嘴。

最後，要震動你嘅聲帶。

喺成個過程，你都唔應該感受到有氣流經你個鼻噴出嚟。

語言學嘅描述[IPA符號：w]：近音；發音部位喺軟顎；雙圓唇化；有發聲；口腔輔音；發聲器官係肺。

​​​J字例：（有音冇字）[jaa1]發音方法：喺發音之前，將脷嘅中間部份掂住硬顎（即係上顎嘅中間位置）。

喺發音嗰陣，保持條脷嘅位置，震動你嘅聲帶。

喺成個過程，你都唔應該感受到有氣流經你個鼻噴出嚟。

語言學嘅描述[IPA符號：j]：近音；發音部位喺硬顎；有發聲；口腔輔音；發聲器官係肺。

​​廣東話拼音:塞尾韻塞尾韻係啲喺發音後產生塞音（Plosiveconsonant）嘅入聲韻尾（Unreleasedstop）。

如果你做得啱嘅話，你應該會喺發音之後，感受到有氣壓形成咗喺你口入面。

塞尾韻ptk單元音同塞尾韻可以組合到下面嘅韻母。

韻母it、uk同eot嘅發音包含咗啲粵拼冇標示嘅單元音（只係得IPA有標示）。

喺學呢兩個音嗰陣，一定要留心啊。

單元音同塞尾韻嘅組合 ptkaaaapaataakaapatakeepeteko/otokiipitiku/utukoe//oekyu/yut/粵拼冇標示嘅單元音同塞尾韻嘅組合eot​Paap字例：插[caap1]發音方法：喺發完單元音aa之後即刻轉去塞尾韻p。

喺啱啱發咗單元音aa之後，合埋個口，阻止氣流由口同鼻噴出去。

語言學嘅描述[IPA符號：ap̚]ap字例：輯[cap1]發音方法：喺發完單元音a之後即刻轉去塞尾韻p。

喺啱啱發咗單元音a之後，合埋個口，阻止氣流由口同鼻噴出去。

語言學嘅描述[IPA符號：ɐp̚]ep字例：夾[gep6]發音方法：喺發完單元音e之後即刻轉去塞尾韻p。

喺啱啱發咗單元音e之後，合埋個口，阻止氣流由口同鼻噴出去。

語言學嘅描述[IPA符號：ɛp̚]ip字例：葉[jip6]發音方法：喺發完單元音i之後即刻轉去塞尾韻p。

喺啱啱發咗單元音i之後，合埋個口，阻止氣流由口同鼻噴出去。

語言學嘅描述[IPA符號：ip̚]Taat字例：卡[kaat1]發音方法：喺發完單元音aa之後即刻轉去塞尾韻t。

喺啱啱發咗單元音aa之後，用條脷頂住牙齦，阻止氣流由口同鼻噴出去。

語言學嘅描述[IPA符號：at̚]at字例：咳[kat1]發音方法：喺發完單元音a之後即刻轉去塞尾韻t。

喺啱啱發咗單元音a之後，用條脷頂住牙齦，阻止氣流由口同鼻噴出去。

語言學嘅描述[IPA符號：ɐt̚]eot字例：出[ceot1]發音方法：喺發完單元音ɵ（IPA符號而唔係粵拼，發音方法睇翻上面）之後即刻轉去塞尾韻t。

喺啱啱發咗單元音ɵ之後，用條脷頂住牙齦，阻止氣流由口同鼻噴出去。

語言學嘅描述[IPA符號：ɵt̚] ​it字例：必[bit1]發音方法：喺發完單元音i之後即刻轉去塞尾韻t。

喺啱啱發咗單元音i 之後，用條脷頂住牙齦，阻止氣流由口同鼻噴出去。

語言學嘅描述[IPA符號：it̚ ] ot字例：割[got3]發音方法：喺發完單元音o之後即刻轉去塞尾韻t。

喺啱啱發咗單元音o 之後，用條脷頂住牙齦，阻止氣流由口同鼻噴出去。

語言學嘅描述[IPA符號：ɔt̚] ut字例：闊[fut3]發音方法：喺發完單元音u 之後即刻轉去塞尾韻t。

喺啱啱發咗單元音u 之後，用條脷頂住牙齦，阻止氣流由口同鼻噴出去。

語言學嘅描述[IPA符號：ut̚] yut字例：血[hyut3]發音方法：喺發完單元音yu 之後即刻轉去塞尾韻t。

喺啱啱發咗單元音yu 之後，用條脷頂住牙齦，阻止氣流由口同鼻噴出去。

語言學嘅描述[IPA符號：yt̚] Kaak字例：黑[haak1]發音方法：喺發完單元音aa之後即刻轉去塞尾韻k。

喺啱啱發咗單元音aa之後，用條脷嘅後半部份頂住軟齦，阻止氣流由口同鼻噴出去。

語言學嘅描述[IPA符號：ak̚] ak字例：北[bak1]發音方法：喺發完單元音a之後即刻轉去塞尾韻k。

喺啱啱發咗單元音a之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：ɐk̚] ek字例：叻[lek1]發音方法：喺發完單元音e之後即刻轉去塞尾韻k。

喺啱啱發咗單元音e 之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：ɛk̚] ik字例：色[sik1]發音方法：喺發完單元音ɪ（IPA符號而不是粵拼）之後即刻轉去塞尾韻k。

喺啱啱發咗單元音ɪ之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：ɪk̚] ok字例：學[hok6]發音方法：喺發完單元音o 之後即刻轉去塞尾韻k。

喺啱啱發咗單元音o 之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：ɔk̚] oek字例：腳[goek3]發音方法：喺發完單元音oe之後即刻轉去塞尾韻k。

喺啱啱發咗單元音oe之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：œk̚] uk字例：屋[uk1]發音方法：喺發完單元音ʊ（IPA符號而唔係粵拼，發音方法睇翻上面）之後即刻轉去塞尾韻k。

喺啱啱發咗單元音ʊ 之後，用條脷號後半部份頂住軟齦，阻止氣流由口同鼻噴出去。

語言學嘅描述[IPA符號：ʊk̚] 廣東話拼音:鼻尾韻鼻尾韻係啲喺發音後產生鼻音（Nasalconsonant）嘅韻尾。

如果你做得啱嘅話，你應該會喺發音之後，感受到個鼻有振動。

鼻尾韻mnng單元音同鼻尾韻可以組合到下面嘅韻母。

韻母eon、ing同ung嘅發音包含咗一啲粵拼冇標示嘅單元音（只係得IPA有標示）。

喺學呢三個音嗰陣，一定要留心啊。

單元音同鼻尾韻嘅組合 mnngaaaamaanaangaamanangeemenengo/onongiiminingu/unungoe//oengyu/yun/粵拼冇標示嘅單元音同鼻尾韻嘅組合eon​Maam字例：監[gaam1]發音方法：喺發完單元音aa之後即刻轉去鼻尾韻m。

語言學嘅描述[IPA符號：am] am字例：金[gam1]發音方法：喺發完單元音a之後即刻轉去鼻尾韻m。

語言學嘅描述[IPA符號：ɐm] em字例：舐[lem2]發音方法：喺發完單元音e 之後即刻轉去鼻尾韻m。

語言學嘅描述[IPA符號：ɛm] ​ im字例：謙[him1]發音方法：喺發完單元音i 之後即刻轉去鼻尾韻m。

語言學嘅描述[IPA符號：im] Naan字例：餐[caan1]發音方法：喺發完單元音aa之後即刻轉去鼻尾韻n。

語言學嘅描述[IPA符號：an] an字例：親[can1]發音方法：喺發完單元音a 之後即刻轉去鼻尾韻n。

語言學嘅描述[IPA符號：ɐn] ​en字例：円[jen1]發音方法：喺發完單元音e 之後即刻轉去鼻尾韻n。

語言學嘅描述[IPA符號：ɛn] eon字例：蠢[ceon2]發音方法：喺發完單元音ɵ（IPA符號而唔係粵拼）之後即刻轉去鼻尾韻n。

語言學嘅描述[IPA符號：ɵn] ​in字例：癲[din1]發音方法：喺發完單元音i之後即刻轉去鼻尾韻n。

語言學嘅描述[IPA符號：in] on字例：安[on1]發音方法：喺發完單元音o之後即刻轉去鼻尾韻n。

語言學嘅描述[IPA符號：ɔn] un字例：官[gun1]發音方法：喺發完單元音u之後即刻轉去鼻尾韻n。

語言學嘅描述[IPA符號：un] yun字例：酸[syun1]發音方法：喺發完單元音yu之後即刻轉去鼻尾韻n。

語言學嘅描述[IPA符號：yn] ​Ngaang字例：生[saang1]發音方法：喺發完單元音aa之後即刻轉去鼻尾韻ng。

語言學嘅描述[IPA符號：aŋ] ​ang字例：等[dang2]發音方法：喺發完單元音a之後即刻轉去鼻尾韻ng。

語言學嘅描述[IPA符號：ɐŋ] eng字例：聲[seng1]發音方法：喺發完單元音e之後即刻轉去鼻尾韻ng。

語言學嘅描述[IPA符號：ɛŋ] ​​ing字例：升[sing1]發音方法：喺發完單元音ɪ（IPA符號而唔係粵拼）之後即刻轉去鼻尾韻ng。

語言學嘅描述[IPA符號：ɪŋ] ong字例：香[hoeng1]發音方法：喺發完單元音o之後即刻轉去鼻尾韻ng。

語言學嘅描述[IPA符號：ɔŋ] ​oeng字例：香[hoeng1]發音方法：喺發完單元音oe之後即刻轉去鼻尾韻ng。

語言學嘅描述[IPA符號：œŋ] ung字例：風[fung1]發音方法：喺發完單元音ʊ（IPA符號而唔係粵拼）之後即刻轉去鼻尾韻ng。

語言學嘅描述[IPA符號：ʊŋ] 廣東話拼音:聲調粵拼聲調表同耶魯一樣，粵拼總共有六個聲調，最高係第一聲，最低係第四聲。

凡親用塞尾韻p、t同k嗰陣，字嘅聲調一定會係第一聲、第三聲或者第六聲。

廣東話聲調金句:番茄醬牛腩麵一百碟方便你記熟廣東話九聲嘅金句如果你分唔到唔同嘅聲調，你可以試吓背咗呢個金句。

呢句金句入面嘅字嘅聲調順序由第一聲去到第六聲嘅入聲。

faan1ke2zoeng3ngau4naam5min6jat1baak3dip6番茄醬牛腩麵一百碟。

Onehundreddishesofbeefbrisketnoodleswithketchup.FAQs香港人點解要學粵拼啊？香港人學粵拼有三個好處。

第一，學識粵拼可以幫我哋糾正自己嘅懶音。

香港人講嘢經常nl不分，nng不分。

第二，學識粵拼可以幫我哋搵正字。

因為香港人冇接受過廣東話書寫嘅教育，好多字我哋識讀唔識寫，結果成日就寫咗錯嘅字出嚟。

第三，學識粵拼可以幫我哋更加了解廣東話，例如文白二讀同變調嘅現象。

香港人應該學邊一種廣東話拼音啊？因為冇政府嘅支持，廣東話現時冇一套統一嘅拼音系統。

幾套系統當中，香港語言學學會粵語拼音方案（粵拼）同耶魯粵語拼音（耶魯）係依家嘅主流。

我哋推薦大家學粵拼，因為粵拼收錄嘅音又多啲，用電腦打起上嚟都方便啲。

粵拼嘅標音結構係點㗎？粵拼會標示字嘅聲母、韻母同聲調去代表字嘅發音。

聲母一定要係輔音（consonants），而韻母就可以由兩個元音（vowel）或者一個元音同一個輔音組成。

每一個字都一定有韻母，但唔一定有聲母。

好多謝你睇晒我哋呢個粵拼教學啊！唔知你對粵文又有冇興趣呢？即刻睇吓我哋啲粵文電子書啦！ 文章導覽上一篇文章→ 呢篇文有2個留言Itslikeyoureadmymind!Youseemtoknowsomuchaboutthis,likeyouwrotethebookinitorsomething.Ithinkthatyoucandowithafewpicsto drivethemessagehomealittlebit,butinsteadofthat, thisisgreatblog.Anexcellentread.Iwillcertainlybeback.Hereismysite::gour 回應呢個留言支持！好詳細同清晰！好文！ 不過，“a”/「短a」好似有得單獨做一個元音？ 得音冇字，平時成日用嚟做語氣助詞嗰個。

例如： 「你咁叻你嚟”a”！」(類似丫音但短啲) 回應呢個留言NewerComments留言取消留言留言唔會公開你嘅電郵地址。

你想講嘅內容...姓名*電郵地址* 中意我哋啲文？喺社交平台訂閱我哋，定期接收更新。

訂閱 搜尋關於：' English粵文日本語