一“舐”多用 - 滚动频道首页

正字正音 司徒笨笨 对潮人嚟讲，“赖嘢”系咩意思相信冇人会唔知，但呢个“赖”字系唔系正字就有得倾啦！ 习惯地，“赖”同“濑”都会被认为系“laai2”嘅正字， ... 一“舐”多用 复制链接 打印 大 中 小 2012年12月04日02:48 |我来说两句(人参与) |保存到博客 南方都市报 　　正字正音　　司徒笨笨　　对潮人嚟讲，“赖嘢”系咩意思相信冇人会唔知，但呢个“赖”字系唔系正字就有得倾啦！　　习惯地，“赖”同“濑”都会被认为系“laai2”嘅正字，理据就系发音相似。

不过就声调而言，“赖”同“濑”都系阳去声，而“laai2嘢”嘅“laai”则系阴上声，声调上系对唔上嘅！至于从字义上分析，“laai2嘢”嘅“laai2”，本义系“(用舌头)舔”，而“赖”同“濑”都冇咁嘅意思。

所以，“赖”同“濑”都唔系“laai2”嘅正字，只系借音字啫！　　噉边个先系“laai2”嘅正字呢？首先登场嘅系呢个“舌赖”！不过呢个亦系生造出嚟嘅方言字，以“舌”为部首，取其义“(用舌头)舔”；而用“赖”字则系取其音。

呢个字喺《广州话正音字典》以及《广州话方言字典》中都有收录。

　　除咗自造嘅方言字之外，重有一个字被认为系“laai”嘅正字舐！“舐”呢个字平时用得比较少，一般都系用喺成语“舐犊情深”里面，而呢度佢嘅广州话发音系saai2(同“徙”)。

但喺《粤语审音配词字库》当中，舐重可以发lim2、lem2、laai2呢三个音。

而且“舐”嘅本义亦系“舔”。

因此无论从发音、声调以至本义，都可以认为“舐”就系“laai2”嘅正字。

此外，因为“舐”重有另外两个发音，所以亦都可以认为系lim2、lem2嘅正字。

换言之，一个“舐”字就可以代表晒广州话当中表意“(用舌头)舔”呢个动作嘅所有字！但系，用嗰阵又点区分呢？　　结合日常用法，大概可以噉样推测。

lim2，用嘅系脷尖呢个位置，同物件嘅接触面应该系最细嘅！记得细个食饭嗰阵，撞啱自己唔中意嘅餸就会食得特别慢！呢个时候阿妈就会闹我：重咩舐下舐下啫，快啲食啦！至于lem2，用嘅都系脷尖呢个位置，不过同物件嘅接触面就会大啲。

最常用嘅用法就系“食到舐舐脷”！至于laai2，则系用成条脷去尽量同物件接触。

所以通常都系听到人讲要“舐干净只碟”而唔系“lim2干净只碟”，因为laai2够快脆兼干净啊嘛！　　简简单单嘅一个“舔”动作，喺广州话里面竟然可以细分出三个局部动作，而又可以用一个字嚟表达，呢啲真系广州话嘅巧妙所在啊！ 分享到： Copyright©2018Sohu.comInc.AllRightsReserved.搜狐公司版权所有全部新闻全部博文