粵語文法- 維基百科，自由嘅百科全書

意思變咗嗰啲可以有「咗」字跟喺後面，冇變嗰啲就唔可以。

我唔見咗我本書"I lost my book" 啱我唔食咗嘢"I did not eat" 唔啱 ... 粵語文法 出自維基百科，自由嘅百科全書 跳去導覽 跳去搵嘢 呢篇文冇引任何嘅出處。

請幫手改好呢篇文，加返出處同埋寫低根據。

冇根據或冇出處嘅嘢可能隨時受到質疑；經唔起質疑就會畀人剷走。

粵語係種分析語言，一句之中字詞嘅次序決定成句嘅意思；大部份情況下，主題都放喺一句開頭，所以粵語算做話題優先語言。

粵語嘅詞素唔會通過變位來表示語法功能；要表達時間、性別或者單眾數時，會加啲補充詞：用副詞嚟表達時態；用疑問詞變一句做條問題；用感嘆詞表達語氣。

有時亦要靠上文下理嚟推斷。

目錄 1代名詞 2連繫詞 3否定句 3.1「唔」 3.2「無」、「冇」 3.3「未」 3.4「唔好」同「咪」 4問題 4.1是非題 4.2疑問詞 5指示詞 6量詞 7擁有格 8體、時、助詞 8.1體 8.1.1完成體/完整體 8.1.2進行體 8.1.3持續體 8.1.4經歷體 8.1.5開始體 8.1.6繼續體 8.1.7始續體 8.1.8慣常體 8.1.9始成體 8.1.10回復體 8.1.11重行體 8.1.12準備體 8.1.13短時體 8.1.14嘗試體 8.2時 8.2.1過去 8.2.2將來 8.3補語助詞 8.3.1結果補語 8.3.2能性補語 8.4量化詞 8.4.1加添量化詞 8.4.2全稱量化詞 9註 10參考 11出面網頁 代名詞[編輯] 好似第啲漢藏語系嘅語言咁，粵語嘅代名詞一身兼擔主格同賓格嘅文法功能。

粵語用下面呢啲代名詞: 代名詞 發音(粵拼) 文法分類 對應普通話代名詞 我 ngo5 第一人稱單數 我 你/妳 nei5 第二人稱單數 你/妳 佢 keoi5 第三人稱單數 他/她 我哋 ngo5dei6 第一人稱眾數 我們 你哋 nei5dei6 第二人稱眾數 你們/妳們 佢哋 keoi5dei6 第三人稱眾數 他們/她們 另外，粵語重由文言文到繼承徂相當一部份第二人稱敬稱，包括： 代名詞 發音(粵拼) 文法分類 對應普通話代名詞 閣下 gok³haa⁶ 第二人稱單數敬稱 您 各位/諸君 gok³wai²/zyu¹gwan¹ 第二人稱複數敬稱 連繫詞[編輯] 粵語嘅「係」更多係用來做聯繫詞。

例：「尋日係中秋節。

」 由於粵語嘅形容詞可以直接做謂語，因此形容詞前面唔一定要加「係」。

例1：「房間好大。

」 例2：✲「房間係好大。

」 例2：「房間係好大，不過家私就有啲陳舊嘞。

」 「係」[hai6]同「喺」[hai2]係兩個唔同嘅字。

「喺」同「響」[hoeng2]係用嚟表示時間同地點，相當於普通話嘅「在」。

例如：「我而家喺圖書館。

」 否定句[編輯] 粵語最常見嘅否定成份包括「唔」、「無」同「未」。

「唔」[編輯] 維基辭典入面有佢嘅解釋： 唔 「唔」係最常見嘅否定語素，可以否定名詞、動詞、形容詞、副詞甚至介詞等。

例如：「我食得花生。

」 加個「唔」字就變成：「我唔食得花生。

」／「花生我唔食得。

」 「無」、「冇」[編輯] 維基辭典入面有佢嘅解釋： 無 「無」（俗寫「冇」[註1]）除徂係「有」嘅反義詞之外，重經常做動詞嘅否定語素，強調「動作喺過去無發生」。

「有」嘅相反係「冇」，唔係「唔有」。

喺其他一啲粵語方言（例如南寧白話）裡面，「冇」同「唔」係唔分嘅。

喺呢啲方言入邊，「有」嘅相反係「冇有」，「係」嘅相反係「冇係」。

「無」、「冇」用法有以下分別：（例中「無」指「無」讀平聲，「冇」指「無」、「冇」讀上聲） 「無」前綴名詞可以解「不附帶」，「冇」前綴名詞淨係解「缺乏」。

例：「無條件投降」／「冇條件投降」。

[1] 「無」前綴名詞時，該名詞可後綴名詞或動詞；「冇」前綴名詞時，該名詞只可後綴動詞。

例：「無條件投降」／「冇條件投降」。

「無」前綴名詞時，兩詞可成複合詞形容其後名詞；「冇」前綴名詞時，該名詞亦可後綴名詞，令後兩詞成爲複合詞。

例：「無汽水」=缺乏氣體嘅水，「冇汽水」=缺乏氣體嘅水／缺乏汽水。

[註2] 「未」[編輯] 「未」係另一個否定語素，通常祇能夠否定動詞、形容詞同副詞，對經歷、短時經過進行否定： 佢會去，但佢而家未去。

你仲未去？ 我未食飯。

我未食過燒鵝。

表示對經歷嘅否定時，「未」「冇」好多時會比較接近： 我未食過燒鵝。

我冇食過燒鵝。

但「未」會喺以下語境同「冇」有區別，側重「動作喺過去冇發生，但係本應發生/喺未來有可能發生」嘅含義，而「冇」就純粹表示「動作喺過去冇發生」： 我冇去到現場。

我未去到現場。

表示過去動作嘅否定，就用「冇」： 幾日冇見，…… 有啲方言或者舊時粵語入邊，有用「未曾」或者合音字「吂(mang6)」表示「未」。

「唔好」同「咪」[編輯] 「唔好」同「咪」係專門用來否定動詞命令式嘅否定語素，用來阻止動作發生。

要用命令嘅口氣阻止人做某啲嘢，就要用「唔好＋動詞」或者「咪＋動詞」咁樣嘅形式。

例如：「唔好睇戲。

」／「咪睇戲。

」 「唔」字除咗可以將肯定句變成否定句之外，重可以將一個字轉成佢嘅反義詞。

有時加咗「唔」字意思會有啲唔同。

意思變咗嗰啲可以有「咗」字跟喺後面，冇變嗰啲就唔可以。

我唔見咗我本書"Ilostmybook"　啱 我唔食咗嘢"Ididnoteat"　　　唔啱 問題[編輯] 是非題[編輯] 最常見嘅是非問題詞序係：（主語/定語＋）動詞＋唔＋動詞（＋賓語）（＋語氣助詞） 例1：「你識唔識講廣東話？」 例2：「有冇紅綠燈？」 如果個動詞有多過一個字，舊陣時嘅粵語係重複澌成個動詞嘅，但係今日嘅穗港粵語淨係重複動詞嘅頭一個字。

例1：「你鍾唔鍾意食年糕？」 例2：「你跑唔跑步？」 有其他方言保留徂重複澌成個動詞嘅作法。

例1：「你鍾意唔鍾意食年糕？」 例2：「你跑步唔跑步？」 「係唔係」穗港粵語通常都縮成「係咪」。

例：「佢係咪加拿大人？」 如果想用強調語氣，可以用另一種語序：（主語/定語＋）「係唔係」＋動詞（＋賓語）＋語氣助詞。

例1：「你係唔係跑步先？」 例2：「你係唔係鍾意食年糕先？」 例3：「你係唔係畀錢我㗎？」 有啲方言或者用家傾向將否定詞置尾。

例：「有紅綠燈冇？」 疑問詞[編輯] 粵語嘅疑問詞有： 疑問詞 發音 相當於英文嘅 相當於普通話嘅 邊個 bin1go3 who 誰 乜（嘢）/咩 mat1(je5)/me1 what 什麼 邊度/邊處 bin1dou6/bin1syu3 where 哪裏 幾時 gei2si4 when 幾時/什麼時候 點解 dim2gaai2 why 為什麼 點（樣） dim2(joeng6*2) How 怎樣 幾多 gei2do1 Howmany/much 多少 指示詞[編輯] 內文：指示詞#粵語 粵語指示詞分方位指示、程度指示、方式指示；方位指示一般分遠近（「呢」「嗰」），有啲地方分埋遠中近；程度指示（「咁」）、方式指示（「噉」）唔分遠近。

量詞[編輯] 粵語量詞有好多種，有表示唔同排列組合方式嘅「迾」、「摣」、「幫」等等，有表示唔同形狀嘅「嚿」、「𤗲」、「幡」、「塊」、「轆」、「橛」、「柵」、「粒」、「笪」等等，亦有表示時間嘅「字」、「骨」、「排」、「秋」（年齡）、空間嘅「笪」、「揇」之類。

比較特殊嘅量詞係「個」、「啲」，分別係泛用嘅單數量詞同複數量詞（「啲」本意指不定複數（讀di1）、或者少數（讀dit1））。

有啲埞會用「隻」代替「個」作為單數泛量詞。

粵語當中嘅量詞可以喺受領屬名詞前，名詞、代詞後，表示領屬、指代： 我個仔 我啲仔 佢哋幫友 前面唔接名詞表特指： 個仔 啲仔 特別係廣府粵語當中，量+名亦都會表示不定指，即都會默認有「一」： 畀杯水我 有啲量詞（譬如時間嘅「排」）唔可以帶數詞： 呢排/*呢三排 擁有格[編輯] 領屬可以用「嘅」表示： 阿爸嘅屋（領屬定語） 間屋係阿爸嘅（領屬表語） 阿爸嘅仔（領屬定語） 領屬亦可以用量詞表示領屬定語，但唔作表語。

量詞表領屬帶特指抑或強調意味。

因為量詞本身有單數複數、有唔同排列抑或形狀，受領屬名詞嘅數、排列、形狀等等性質都會透過表示領屬嘅量詞體現出嚟： 阿爸間屋（領屬定語） 間屋係阿爸嘅屋（領屬定語） 阿爸啲屋（領屬定語，複數） 阿爸迾屋（領屬定語，複數，成迾） 阿爸個仔 阿爸啲仔 阿爸嚿仔 阿爸橛仔 體、時、助詞[編輯] 體[編輯] 完成體/完整體[編輯] 「咗」用嚟講啲嘢係完咗。

啲冬甩凍咗快啲食啦。

進行體[編輯] 「緊」用嚟講啲嘢係發生當中。

炸緊冬甩，咪搞我。

持續體[編輯] 「住」用喺表達某啲持續性動作嘅狀態，抑或動作結果嘅狀態，好多時唔可以單獨成句： 你戴住頂帽做乜嘢？ 佢望住個天唔知惗緊乜。

「定」「實」作為持續體嗰陣強調穩定唔喐： 企定喺度。

揸實支槍。

經歷體[編輯] 「過」作為經歷體，表示有過某啲經歷。

我未去過日本。

開始體[編輯] 「起上嚟」「起身」表示動作、狀態變化嘅開始： 熱起上嚟 睇起上嚟 熱起身 睇起身 有時又可以用「起」作開始體： 講起就唔停。

有時「開」都可以作開始體： 講開又講…… 繼續體[編輯] 「落去」表示動作嘅繼續： 噉樣食落去點會唔肥。

始續體[編輯] 「開」又可以表示動作開唨頭，並有持續落去嘅趨勢。

食開飯就唔好睇電視啦。

慣常體[編輯] 「開」亦表示某啲動作、狀態不溜係噉： 飲開奶茶。

有人認為「開」嘅呢兩種體態，衹係一種詞綴喺具體情況下嘅語用分別。

始成體[編輯] 同始續體對應，有啲學者[2]認為「落」作詞尾係始成體，強調動作開始之後先至會觸發後尾動作、狀態；基本上始成體「落」唔單用，因為跟接續動作、狀態有拏褦： 啲嘢做落就知喇。

以下兩種體（「回復體」、「重行體」），有啲學者認為鑑於佢哋描述嘅係外部觀察到嘅動作過程、而唔係動作內部本身嘅開始、結束等等，所以唔應作為「體態」。

回復體[編輯] 「返」表示中斷、暫停嘅動作又繼續。

睇返條片。

又或者動作結果令到對象回復某啲狀態抑或回復到某啲埞： 畀返啲錢我。

又或者回復到形容詞表達嘅狀態： 天好返喇。

有時，「返」又喺現實狀態（本有狀態）同預想狀態（應有狀態）唔啱嗰陣時，某啲動作(會)令到現實「回復」（實質上係重新符合）預想嘅情況： 高返少少就好喇。

喺「得返」、「剩返」入邊，「返」仲表達現實少過預想嘅情況： 得返一文。

剩返兩件。

有啲地方會用「回」表示回復體。

重行體[編輯] 「過」喺作為重行體嗰陣時，表示（好多時結果唔啱心水情況下）啲動作嘅重新進行： 唔該你睇過條片啦。

其他一啲體態： 準備體[編輯] 「定」可以作為準備體，表示預先做某事、為唨將來作準備： 買定先。

短時體[編輯] 「吓」「陣」表示過程好短嘅動作： 睇吓就知。

唞陣先。

「吓」嘅時間仲要短。

嘗試體[編輯] 「吓」仲表示嘗試： 畀我飲吓。

時[編輯] 過去[編輯] 似好多漢語一樣，冇單獨表示過去嘅助詞。

但完整體助詞「咗」有時可以表達啲事發生喺過去： 做咗兩年警察。

將來[編輯] 「會」係發生喺將來嘅意思。

個天會幫我。

我遲早會轉校。

補語助詞[編輯] 結果補語[編輯] 粵語結果補語有好多，一般攞動詞、形容詞充任： 「完」用嚟講啲嘢係做咗。

食完冬甩，打完機，上吓網先。

「扂」用嚟表示成功。

搞扂！ 能性補語[編輯] 「得」可以插入謂補結構（即類似「瞓著」）中間構成能性補語，又可以作為「最細能性補語」直接加喺謂語後尾： 瞓得著。

睇得。

呢種能性補語用嚟表示可能、使能、能力： 搞得扂嘅。

（可能性） 唔忍得佢。

（可能性否定1） 忍唔得佢。

（可能性否定2，罕） 忍唔忍得？（可能性正反問） 呢啲嘢唔玩得。

（使能性否定） 佢好食得。

（能力） 有啲方言入邊，「得」插入抑後置作能性補語衹表示可能，使能就用前置成分表示，句法上區分兩種含義： 落得車。

（可能性） 毋落得車。

（可能性否定，指「落車」行為受阻、譬如人多；抑或個人能力限制、譬如腳跛） 得落車。

（使能性，「允許落車」） 毋得落車。

（使能性否定，指「落車」行為受規章禁止） 量化詞[編輯] 加添量化詞[編輯] 「埋」用嚟表示動作對象範圍嘅擴充： 睇埋呢啲。

全稱量化詞[編輯] 「嗮」表示動作涵蓋對象最大範圍： 食嗮佢。

亦作完成、加強語氣嘅作用。

啲冬甩食晒啦。

攞晒啲衫褲出去曬太陽。

唔該晒。

註[編輯] ↑「冇」只讀上聲。

↑「汽」、「氣」同音，響ロ語度無分別。

參考[編輯] ↑由「冇」不等於「無」說起 ↑侍建國，2002，《粵語動詞持續體貌詞尾分類》，香港教育學院，新加坡，第二屆肯特崗國際漢語語言學圓桌會議 出面網頁[編輯] 鄧思穎。

2015。

《粵語語法講義》。

香港：商務印書館。

張洪年。

2007。

《香港粤語語法的研究》。

香港：中文大學出版社。

香港粵語慣用語研究 共性與差異：粵方言名詞短語研究/SimilaritiesandDifferences:AStudyofNominalsinYueDialects 普通話、粵語比較義系詞句的句法差異及相關問題/TheCopularConstructionwithaComparativeInterpretationinMandarinandCantonese 粵語謂詞性語氣詞/PredicativeutteranceparticlesinCantonese 晚清粵語中八個特有的句末語氣詞/EightSpecialCantoneseSentence-finalParticlesinLateQingDynasty 試論粵語中的“區別詞”/Non-PredicativeAdjectivesinCantonese TheInterclausalFunctionsoftheCantoneseProgressiveMarkerGan:EvidencefromtheEarlyandContemporaryCantoneseCorpusData 粵語詞尾“定”的語法特點/LinguisticPropertiesofSuffixDing6inCantonese 睇傾改粵語 族群 文字 各地分支 標準音 歷史 語法 音系 各地分支粵海（廣府） 廣州話（西關口音 西村口音） 香港粵語 澳門粵語 馬拉粵語 星加坡粵語 北美粵語 西貢粵語 佛山話 蜑家話 石岐話 沙田話 南海話 石灣話 九江話 西樵話 番禺話 順德話 雲浮話 博賀話 虎門話（新派） 龍門話 肇慶話 梧州話 賀州白話 韶關白話 連州白話 英德白話 樂昌白話 邕潯 南寧白話 桂平白話 平南白話 橫縣白話 崇左白話 憑祥白話 龍州白話 寧明白話 大新白話 扶綏白話 百色白話 田東白話 莞寶 莞城話 長安話 虎門話（舊派） 厚街話 圍頭話 南頭話 大鵬話 四邑 臺山話 司前話 新會話 恩平話 開平話 馬蘭話 高陽 高州白話 陽江話 茂名白話 陽春話 陽西話 湛江白話 北流上里話 信宜白話 廉江白話 遂溪白話 勾漏 連山話 陽山話 鬱林話（玉林話） 北流話（下里話） 容縣話 貴港話 桂平話 平南話 地佬話 石南話 藤縣話 蒙山話 岑溪話 蒼梧話 昭平話 羅秀話 上坊話 開建話 賀州本地話 「羅廣」 羅定話 廣寧話 懷集話（下坊話） 四會話 德慶話 陽山話（見上） 連山話（見上） 封開話（封川話） 鬱南話 㑷古話 欽廉 廉州話（海獺話 地角話 佤話 廉江海話） 浦北話（小江話等） 靈山話 新立話 欽州地區白話（欽州白話 防城白話 東興白話 越南芒街白話 靈城白話 浦北白話 北海白話） 河口廣話 吳化 吳川話 化州話 桂南平話（有拗撬） 賓陽話 橫州話 南寧平話 百色平話 未分片 儋州話 東江本地話（有拗撬） 越南山瑤話（有拗撬） 邁話（有拗撬） 桂北平話（有拗撬） 文化藝術 粵語白話文 三及第 粵曲 粵劇 粵謳 南音 龍舟歌 木魚書 咸水歌 粵語流行曲 粵語相聲 棟篤笑 粵語電影 粵語電視劇 粵語講古 粵語小說 粵語配音 粵語粗口 粵語保育 相關事件 粵語正音運動 廣州撐粵語行動 普教中爭議 《寵物小精靈》中文版命名爭議 由「https://zh-yue.wikipedia.org/w/index.php?title=粵語文法&oldid=1706901」收 屬於1類：粵語屬於2隱類：冇根據嘅文所有冇根據嘅文 導覽選單 個人架生 未簽到同呢個互聯網地址嘅匿名人傾偈貢獻開戶口簽到 空間名 文章討論 變種 expanded collapsed 外觀 閱改睇返紀錄 多啲 expanded collapsed 查嘢 導覽 頭版目錄正嘢時人時事是但一版關於維基百科聯絡處捐畀維基百科 交流 說明書城市論壇社區大堂最近修改 架撐 有乜連過嚟連結頁嘅更改上載檔案專門版固定連結此版明細引用呢篇文維基數據項 打印/匯出 下載PDF印得嘅版本 第啲話 English 改拎